مراد الروح ﴿ مكتملة ﴾

مشهد خاص ♥️✨

تخرج صاحبه الشبر ونصف وهي تلف فوطه علي شعرها وتضع ماسك علي وجهها وهي تمشي بدلال وتحرك خصرها علي انغام اغنيتها المضله ...

دخلت الام عليها وانصدمت من هذا المظهر
قالت بصدمه : يا مصيبه حياتي ايه الي انتي عماله في نفسك ده ..

ردت بدلال وبرائه مزيفه : عامله ايه يا مامي انا زي القمر اهو ؟...

قمر ايه بس انتي مهببه ايه علي وشك ؟ كان هذا رد الام ..

قالت بلامبالاه : ده ماثك ( ماسك ) يا مامي هيكون ايه يعني ...

الام بغيظ : ماسك يا مامي انا عارفه إنه زفت حطاه بقي ليه يا ام شبر ونص ..

ردت : علشان اكون حلوه ..

قالت الأم بصراخ : لااااا انا تعبت منك ابوكي لازم يشوف ليكي حل ..

خرجت من الغرفه بحاله من الجنان تاركه ابنتها تكمل ما تفعله ذهبت الي غرفتها وتحدثت بصراخ : مراااااد تعال شوف بنتك هتجبلي جلطه وربنا ..

مراد وهو ينفخ بضيق : بنتي عملت ايه النهارده كمان ..

اخذته من يده وهي تسير وقالت : تعال معايا بنفسك  وانت  تشوف انا صاحيه بدري علشان اصحي اولادي للمدرسه و اعمل زي الامهات المثاليه والاقي بنتك بشكل ده ترفعلي ضغطي .. قال اخر كلمه وهي أمام ابنتها وتريها لوالدها ...

نظر مراد الي ابنته بتفجاه : ايه ده يا رحيق ؟!

رحيق بضجر : يوووو ماثك يا بابي ماثك انتوا مش شايفين كل شويه ايه ده يا رحيق ايه ده يارحيق ..

روح بجنون : شفت قلت احترام البنت اضربها يامراد ...

قال بهدوء : انتي يا روح ونبي ثم زلت علي ركبته اماما طفلته الصغيره .. وتحدث بحنان : رحيق يا حبيبتي انتي لسه صغيره علي الحاجات دي انتي لسه عندك خمس سنين يا حياتي ...

رحيق : لازم يا بابي اهتم بنفسيتي الاهتمام مث عايز سن ...

روح بتريقه : اعرفي انطقي الكلام الأول يا اختي ..

رحيق بغرور وهي تضع دايها علي وسطها : هو حرف ث ( س ) بث يا مامي وبكره يحبني واصلا انا ملكه في كل أحوالي ..

روح : يخربيت غرور شكلك مغروره زي ابوكي ...

قالت : يالا اطلعوا علشان اغير هدومي علشان المدرثه ...

مراد بهدوء : ماشي ياقلبي خلي مامي معاكي علشان تسعدك..

ردت : لا يا بابي انا كبيره كفايه علشان اغير لنفثي مش محتاجه مثاعده ..

روح : اه يااني منك انتي يا شبر ونص نفسي اعرف جايبه كل اللماضه دي منين ...!

رحيق برخامه : من عند الثوبر ماركت الي في اخر الشارع يا مامي هجبلك معايا المره الجايه ...