"အော...အစ်ကိုနေသော်"
တံခါးလာဖွင့်ပေးသူက ကျွန်တော့် ဂျူနီယာအဆောင်းဆိုတဲ့ကောင်မလေး။ သူတို့တွေ ပြန်ရောက်နေကြပြီပေါ့။ အိမ်ထဲကို လှမ်းကြည့်လိုက်ပေမယ့် ဟိုတစ်ယောက်ကိုမတွေ့။
"အထဲဝင်လေ အစ်ကို"
"မဝင်တော့ဘူး။ ဇာမဏိရှိလား"
"ရှိတယ်၊ အခန်းထဲ စာကြည့်နေလား မသိ"
"ခေါ်ပေးလို့ရတယ်မလား။ ကိုယ် ပြောစရာလေးရှိလို့"
"ခဏစောင့်နော် အစ်ကို။ ဇာမဏိရေ..."
အဆောင်းက အိမ်ထဲလှည့်ခေါ်တော့ မှုန်တေတေမျက်နှာနဲ့ပဲထွက်လာသည်။ ကျွန်တော့်ကိုမြင်တော့ ခြေလှမ်းတွေရပ်ပြီး ကြည့်နေသေး၏။ ဧည့်ခန်းထဲရှိနေပုံရတဲ့ မြတ်ကျော်ကလည်း ခေါင်းပြူပြီး ကျွန်တော်ရှိရာကြည့်လာသည်။"ခဏလိုက်ခဲ့လို့ရတယ်မလား"
မျက်နှာတည့်တည့်စိုက်ကြည့်ပြီး ပြောလိုက်တော့မှ ခြေလှမ်းဆက်တိုးသည်။ သူ လိုက်လာမှာ သေချာသိနေလို့ ကျွန်တော် ကျောခိုင်းထွက်လာပြီး မာမီ့ရုံးက ကလေးတစ်ယောက်လာပို့သွားတဲ့ ကျွန်တော့်ကားပေါ်တက်လိုက်သည်။ သူ ကားပေါ်တက်လာတဲ့ထိ ကျွန်တော် သူ့ကိုလှည့်မကြည့်မိတော့။
"အစ်ကို"
အသံလာရာကို ကျွန်တော်ကျောခိုင်းထားမိ၏။ မှန်ရောင်တလက်လက်ထပြီးငြိမ်သက်အေးနေတဲ့ အင်းလျားရေမျက်နှာပြင်ပေါ် တစ်ခြမ်းပဲ့နေတဲ့လမင်းက သူ့ကိုယ်သူငုံ့ကြည့်နေသည်။ အက်တမ်မှုန်တွေကိုကျော်ဖြတ်လာတဲ့ လေထုရဲ့ပါးလျလျအငွေ့အသက်ထဲ အအေးလှိုင်းလေးတွေ တွန့်လိမ်ခေါက်ကွေးပြီး ကျွန်တော့်ခန္ဓာကိုယ်ကို တိုးတိုက်ကြသည်။ ကျောပြင်နဲ့နီးကပ်ရာ သက်ရှိတစ်ကိုယ်ဆီက အနွေးဓာတ်အချို့ ကျွန်တော့်အပါးဝဲခိုကပ်ငြိနေ၏။
"အစ်ကို"
စိတ်မရှည်တာမဟုတ်ဘဲ စူးစမ်းစွာ ခေါ်တဲ့အသံ။ ကန်ဘောင်ပတ်လမ်းက ဓာတ်တိုင်မီးတို့အောက် မြင်ရတဲ့သူ့မျက်နှာက ထုံးစံတွေကို မပယ်ဖျက်ထားဘဲ မှုန်တေတေ။ ကျွန်တော်လက်သီးဆုပ်ပြီး လက်ဆစ်နဲ့ နဖူးပြင်ပြေကို ခေါက်ချပစ်လိုက်သည်။