رواية"الرابط المجهول"
الفصل الخامس
أزاح الحجاب عن وجهها وهو في غاية السعادة ليتفاجأ بها في وجهه ففزع ثم رجع للوراء بسرعه وهو يقول:انتي بتعمل اييه هنا
هند:انا مرتك وانت اتجوزتني من شويه
مجاهد:لاه انا اتجوزت نور
كادت الحديث والمجادله لتجده يجدبها من حجابها الي ان خلعه وامسك بشعرها وسط صرخاتها وهو يقول:بقولك فين نور وبتعملى ايه هنا
قالت ببكاء:عايز تعرف فين نور ..نور هربت وانا اللي اتجوزتك علشان ميقولوش ولد الرفايعه عروسته هربت يوم فرحه
مجاهد:هربت كيف والحرس علي الباب
هند:معرفاش
ليقوم مجاهد بصفعها وهو يقول هطلقك يعني هطلقك
ثم خرج الي والدته في الخارج ليفهم ماحدث بعد ان تركها والدماء مندثرة من فمها على اثر صفعته القويه والبكاء حليفها وهي تتذكر ماحدث
باااااك
هند:انا هوصي غفير قبل ما تهربي بنص ساعه يحط منوم للغفر في الشاي علشان ينامو واول ما ينامو هتطلعي وتهربي وانا هاتزين بدالك وابقي العروسه
نور: ولو ما ناموش
هند بثقه:هينامو
نور:انا معرفاش اشكرك كيف
هند:انا الى عايزة اشكرك انك مهتجوزيش مجاهد
ثم رتبت معها وحين حانت اللحظه هربت نور وبقت هي العروس....
......
خرج مجاهد من الغرفه وهو يصرخ ويقول:يما يما
خرجت نعمات على اثر صوته وهي تعلم ماحدث
نعمات:ايييه في ايه
مجاهد:اييه اللي حصل ده
نعمات:ولا حاجه عروستك هربت وجوزناك هند علشان كلام الناس
مجاهد:هربت كيف
عبد الغفور:معرفش كل الى اعرفه دلوقت ان هند بقت عروستك وتنسي البت دى نهائى
مجاهد وهو يصدر ضحكاته بسخريه:بتهزر يا ابوي انا هلاقى البت دي وهوريها اسود ايام حياتها
عبد الغفور:لو عملت في البنيه حاجه انا الى هوريك اسود ايام حياتك
ابتسم مجاهد له بخبث ثم ترك البيت بغضب جامح
●●●●●●●●●●●●●●●●●●●●●●●●
في القاهره وصلت الي عنوان البيت الذي اعطاه لها حسين فطرقت الباب لترى امرأة يبدو انها قد تجاوزت الاربعين من عمرها فقالت نور بإبتسامه واسعه:ده بيت العمه فاطمه
قالت فاطمه:ايوة بس انتِ مين
نور:انا نور بنت خيك حسين
قابلتها فاطمه بإبتسامه واسعه واحتضنتها وهي تقول:اهلا ببت الغالي اتفضلي ادخلي
