صوت وكومنت برأيك💙🕊
رواية "الرابط المجهول"
الفصل السادس
في الشركه قالت بعصبية واضحه :ازاي يا مروان انت عارف ان انا مش بشارك حد هشاركه ازاي
مروان:اهدى بس يا مليكه ونتكلم براحه ثم تابع بنبرة صوت هادئة نسبيا :يا مليكه انتِ عارفه لو مالك الشريف شاركنا هيحصل اي اسهم شركتنا هترتفع جدا
مليكه:ما انت عارف انها مرتفعه
مروان:نسبيا..مرتفعه نسبيا وبعدين فكرى معايا لو مالك الشريف شاركنا مش ممكن نتحامى في شركته من الناس اللي بيهددوكي
مليكه بعد ان ضربت براحة يديها سطح المكتب بشده:نعم هو احنا محتاجين نتحامي في حد
مروان:مش القصد يا مليكه بس مالك سمعه وكمان محدش بيقدر ينافسه في السوق لو مش من ناحية الناس ففكري في الشركه اهدي كده وفكري وقوليلي رايك انا رايح مكتبي
ثم خرج من مكتبها وهو يتمتم بصوت خافت :الله يحرقك يا مالك
جلست مليكه علي كرسي مكتبها ثم تنهدت واخذت تفكر في عرضه
●●●●●●●●●●●●
دخلت مسرعه الي الغرفه بعد ان اغلقت الباب واستندت بظهرها عليه وهي تزفر بإرتياح لاحظتها عزة فقالت :مالك يا نور
لم تسمعها نور فقد كانت شاردة فيما حدث
فأعادت عزة عليها السؤال مرة اخري وفي هذة المرة انتبهت لها نور فقالت ببلاهه:هاا
عزة:ها اي ... بقولك مالك لونك مخطوف كده ليه
نور: هو انتِ عندك اخ
عزة:اه انتِ شوفتي زياد
نور:ايوة
عزة:ايوة اخويا ابقى البسى الحجاب في الشقه
خافت نور كثيرا كيف ستظل في بيت يعيش فيه شاب ولكنها عزمت قرارها مع اول راتب لها في العمل سوف تأجر شقه لها
●●●●●●●●●●●
القي علي الارض مثل الجثة الهامدة فكيف لرجل فى سنه أن يتحمل هذا الالم أغمض عينيه مستسلما ليدخل في غيبوبة ربما لساعات او لايام ركله هذا البغيض بقدمه وهو يقول:شيلوة من هنه واول ما يقوم ومنطقش اضربوة تاني
اومأ الحرس برأسهم إيجاباً وحملوة بعيداً
اما في منزل حسين
أسماء:يما لو مقولناش نور فين ابوي هيموت مش بعيد مجاهد ولد الغفايرة يقتله
سعاد وهي تبكي:هنعمل اي يا اسماء مقدراش اقول على مكانها ممكن يقتلها
اسماء:خلاص لو مسبوش ابوي كمان يومين انا هقول علي مكانها واللي يحصل يحصل
سعاد:هموتك قبل ما تعمليها
اسماء:انتِ مش خايفه علي ابوي وخايفه علي واحده مش بتك طب وكلام اهل البلد عن نور اللي هربت ومعرفينش انها مش بتك بتلبسونا العار يما
