الرابط المجهول
الفصل التاسع عشر
فتحت عيناها بضعف شديد بدت الرؤية فى البداية غير واضحه...حاولت القيام من مكانها فوجدت يديها وقدميها مكبلتان بالاحبال جاهدت للقيام فعدلت من وضعيتها وجلست على الارض.نظرت حولها فوجدت غرفة مظلمه ويوجد نافذة صغيرة تدخل بعضا من الضوء الخافت..قالت بضعف شديد:ا..ا..انا فين ..اي اللى حصل...سمعت بعض الاصوات تأتى من الخارج
شخص ما:طب هي البنت اللى جوه دى لسه مفاقتش..دول ناس أجانب وممكن يقتلونا لو حصلها حاجه
شخص آخر:ما انت اللى اتنيلت زودت المخدر
_أعمل اي غصب عنى بقا
=طب إدخل كده شوفها فاقت ولا اي
_تمام
مد يده ليدخل المفتاح فى الباب سمعت مليكه صوت الباب وهو يفتح فتصنعت النوم مرة أخرى..
دخل الحارس فوجدها مازالت نائمه..فزفر بضيق وأغلق الباب مرة أخرى وهو يقول:لسه متنيله نايمه
=ربع ساعه لو ما فاقتش فوقها غصب عنها
_لا يا عم دا الباشا عايزها سليمه
=هو احنا هنقتلها احنا هنفوقها بس..
_تمام ماشى
بعد سماع مليكه لهذا الحوار خافت كثيرا ونزلت دموعها وقالت بصوت مبحوح:مين دول عايزين منى ايه...يارب استرها معايا..انا لازم اخرج من هنا...
●●●●●●●●●●●●●●●
فى منزل الرفايعه
جلست نور مقابل مجاهد وبينهما المأذون بدأ الشيخ خطبته فى البدايه..ثم بصم مجاهد بإصبعه على الاوراق..ومن ثم جاء دور نور..قدم اليها الشيخ الاوراق وهو يقول:وقعى يا عروسه..
سكتت نور لبعض لحظات ثم رفعت يدها المرتعشه وأمسكت بالقلم ولكن حينما بدأت بالكتابه ارتعشت يدها اكثر فقالت:معرفاش اكتب
مجاهد بخبث:خلاص إبصمى يا عروسه
مدت نور يدها من تحت حجابها المنسدل على رأسها ومسحت دموعها..ثم وضعت إصبعها بالحبر وقبل أن تترك بصماتها على الاوراق فوجئت بها تتمزق وصوته يقول:طب خدى رأيي الاول..
صدم الجميع وزادت الهمهمات بينهم وألف كلا منهم موضوعاً عن ذاك الغريب اهو من انتشرت الاقاويل أنها هربت معه..!
رفعت نور حجابها فى صدمه وقالت:ا...انت
غضب مجاهد كثيرا وقال بصوت غاضب:انت ايه اللى هببته ده
مروان:انت عايز تتجوز بنت عمى من غير موافقتى حتى دا حتى عيب كده
مجاهد:انت هتخرف ولا ايه
تجاهله مروان ثم وجه حديثه الى نور وقال:ادخلى غيري هدومك يلا عشان نمشى
وقفت نور فى صدمه ولا تتحرك
