الرابط المجهول
الفصل الواحد والعشرون
يقف الجميع امام الغرفة فى قلق بالغ...خرج الطبيب لينهى هذا القلق وقال:متقلقوش يا جماعه الاصابه مش خطيره..ان شاء الله هيفوق خلال الاربعه وعشرين ساعه الجاين
تنهدو جميعا فى ارتياح..ثم شكرو الطبيب..تقدم يامن من مليكه وقال:خلاص اتطمنتى روحى البيت بقا زمانك تعبتى..
مليكه:لا مش هروح غير لما يفوق واكلمه
يامن:يا حببتى روحى ارتاحى وبعدين ارجعى تانى
مليكه:لا يا يامن مستحيل اروح
يامن:براحتك
مليكه:بس انا خايفه من ردة فعله
يامن:على اي؟
مليكه:قبل ما اتخطف رميتله الدبله عشان شوفت السكرتيره بتحضنه وما اعطيتوش فرصه يشرح الموقف وبعدين اكتشفت انها كانت بتوقع بينا عشان يعرفو يخطفونى..خايفه يسيبنى يا يامن
يامن:يعني تفتكرى لو هو كان عايز يسيبك او حتي مش بيحبك كان جه وعرض نفسه للخطر عشانك
مليكه:يعينى هو هيسامحنى
يامن:اللى بيحب بيسامح
مليكه:امال مروان فين
يامن:اتصل عليا وعلى احمد واعطانا الموقع اللى مالك موجود فيه..وقال ان احنا نروح ومعانا رجاله عشان هو مش فى القاهره
مليكه:امال فين
يامن:مش عارف..مرضيش يقول قال لما آجى هقولك
اومأت مليكه برأسها إيجاباً ثم صمتت..رن هاتف يامن فابتعد قليلا وقام بالرد.....
●●●●●●●●●●●●●●●●●●●
فى سيارة مروان
مروان:هاا عملتو اي
يامن: كل حاجه تمام بس مالك فى المستشفى
مروان:اي ده ليه؟!
يامن:اخد طلقه فى ذراعه بس متقلقش الدكتور قال هيبقى كويس
مروان:بجد يا يامن..طب انت فى مستشفى اي
يامن:مستشفى(.........)عارفها؟
مروان:ايوة تمام جاى على هناك
يامن:قدامك كتير
مروان:حوالى ساعه تقريباً
يامن:ماشى..بس لازم اعرف كنت فين وبتعمل اي
ضحك مروان ثم قال:ههههه كنت بتجوز
يامن:ماشى يا خفيف لما تيجي..سلام
مروان:سلام
انهي مروان المكالمه ثم أنزل الهاتف من على أذنه وهو يقول: هههه مش مصدق انى كنت بتجوز
نظرت اليه نور الجالسه على الكرسي بجوارة وترددت فى ان تتحدث معه فهي صامته طوال الطريق حسمت امرها ثم قالت:ه..هو فى حاجه؟!
