الرابط المجهول
الفصل الرابع عشر💙🕊
فى المشفى
بعدما خرج الطبيب من الغرفه وأسرعو اليه متلهفين ..فقال الطبيب بعدما أخفض رأسه:للاسف حالته متدهوره جدا احنا عملنا اللى علينا..هننقله عنايه مركزه.. دعواتكم بقا...
جلست سما مرة أخرى على كرسيها وهي تبكى بشده على ولدها...بينما وضعت مليكه رأسها على الجدار وبدأت بالبكاء بصوت مكتوم ..وهي تردد"يارب"..أصبح الحزن يحتل قسمات وجوههم جميعاً...نادى مالك على مليكه بصوت خافت ف ابتعدت قليلا عنهم وقالت:نعم
مالك:مين الى ضرب مروان ومين اللى جابه
مليكه:مش عارفه فى بنت هي اللى اتصلت عليا من موبايله
مالك:طب تعالى نسأل اي حد هنا
مليكه:يلا
ذهبت مليكه ومالك الى قسم الاستقبال
مالك للممرضه:لو سمحتى
الممرضه:نعم
مالك:فى مريض جه من حوالى ساعه كان مضروب بسكينه متعرفيش مين جابه
الممرضه:ايوة يا فندم فاكراه كان معاه بنتين منهم حضرتك ...قالت هذه الجمله وهي تشير على مليكه
عقد مالك حاجبيه فى تعجب ونظر مالك الى مليكه وقال:انتِ اللى جبتيه
مليكه:والله ما جبته ..انا كنت فى البيت وقاعده مع طنط سما كمان لو مش مصدقنى اسألوها
مالك:انتِ متأكده انها دى اللى جابته
الممرضه:ممكن تكون مش هي بس فيها شبه كبير منها.
مالك:تمام متشكر
الممرضه:العفو يا فندم انت تؤمر....
ذهبا من المكان وفى طريقها للعودة لغرفة مروان وصلا الى الغرفه ووجدا الضابط...
مليكه:خير يا حضرة الضابط
الضابط:احنا هنعمل شويه تحقيقات علشان نعرف مين اللى عمل كده فى مروان بيه
مليكه:طب لما يفوق
الضابط:هنسألكم شوية اسأله الاول
مليكه:اتفضل
الضابط:مين اللى جابه؟ وكان فين قبل الحادثه؟ومع مين؟وعرفتى ازاي انه هنا
مليكه:مين اللى جابه معرفش ..انا مروان اتصل عليا ولقيت صوت بنت بتقول صاحب الموبايل ده فى المستشفى
الضابط:طب سمعتى صوتها قبل كده
مليكه:لا اول مره اسمعه
الضابط:طب مروان ليه علاقات مع بنات وكده
مليكه:لا تقريبا مروان ملوش فى الجو ده
الضابط:تمام مين اخر حد كان معاه قبل الحادثه؟
