الرابط المجهول
الفصل الثانى والعشرون
فى اليوم التالى:-
خرج مالك من المشفى رغم اصرار الطبيب على ضرورة بقائه يوماً اخر الا أنه خرج..
فى الصباح..افاقت على صوت رنين هاتفها فوجدت المتصل مالك..ابتسمت وقالت:بيتصل بدرى كده خير!
فتحت المكالمه ثم قالت:الو
مالك:صباح الخير
مليكه:صباح النور....خير بتتصل بدرى اوى ما انا كنت هاجى الشركه كمان شويه
مالك:لا انتِ مش هتيجي
مليكه بتعجب:ليه
مالك:لانك عروسه فى عروسه تروح الشركه يوم كتب كتابها
مليكه:عروسه اي وكتب كتاب اي
مالك:النهارده كتب كتابنا
مليكه:النهارده..!ازاي..
مالك:قولتلك اول ما هخرج هنتجوز
مليكه:بس..
قاطعها قائلا:من غير بس...كتب الكتاب النهارده والفرح بعد شهر..اكون حليت الجبس
مليكه:اوك...سلام
مالك:سلام...
اغلقت مليكه المكالمه ثم قالت:يااه اصحى على الصبح كده يقولى هاتجوزى النهارده...اي ده بجد!
قامت من فراشها ثم توجهت الى الحمام واغتسلت وقامت بأداء صلاتها ثم توجهت لتختار ثيابها
ابدلت ثيابها ثم نزلت من غرفتها..فوجدت سما ونور تعدان طعام الافطار فقالت:كده هتفطرو من غيري
سما:احنا لسه بنحضر هو احنا نقدر نفطر من غيرك دا انتِ تاكلينا
مليكه:يادى الفضايح
سما:هو انا بقول قصاد حد غريب..دى مرات ابنى..والنبى البت نور طلعت بسكوته
ابتسمت نور بينما قالت مليكه:طب انا عايزة البسكوته معايا فى كام مشوار
نور:فين
مليكه:لا هتيجي معايا اشترى فستان حلو كده لكتب الكتاب اللى هو فى اليل
سما:النهارده!
مليكه:اه ...مالك اتصل وقالى كده وانا مقدرتش اناقشه
احتضنت سما مليكه وقالت:مبروك يا حببتى
مليكه:الله يبارك فيكي يا طنط
انضم بعد قليل مروان ثم تبعه يامن وقاما بتناول الافطار..واخبرتهم مليكه بشأن زواجها فباركو لها..
بعد ذلك توجهت مليكه ونور للتسوق...
بعد الانتهاء من هذا اليوم واثناء خروج كلا من مليكه ونور من المول اوقفها صوت سمعته من قبل ف إستدارت نور لتجده..اقترب منها وقال:نور ازيك عامله اي
