الرابط المجهول
الرابع والعشرون والاخير
بعد مرور شهر
فى الفيلا الكل يعمل على قدم وساق يحاولون الانهاء فى أسرع وقت وأيضا لكي يبدو الزفاف فى أبهى صورة..
أما عند مليكه فأيقظتها نور وسلمى بعد معاناة فى محاولة إيقاظها
نور:كل ده عشان تصحى ده النهارده فرحك
مليكه:عايزة انام جعانه نوم
سلمى:متأكده انك جعانه نوم مش اكل
مليكه:م انا برده جعانه اكل عايزة اكل مش هالبس غير لما أكل
ضربت نور على رأسها فى قلة حيله وقالت:هجبلك اكل يا اختى بس إدخلى خدى شاور وغيري هدومك
مليكه:كده احبك
دخلت مليكه الى الحمام فقالت سلمى:اه يا نور لو نازله هاتى معاكى مخلل اصلهم هنا بيعملوه حلو اوى امبارح لما احمد لحقنى كان زمانى افترست البرطمان
نور:افترست البرطمان...انتِ متأكده انك كنتِ عايشه فى فرنسا
سلمى:بيقولو..
نور:حاضر يا اختى هجبلك يارب صبرنى
خرجت نور من الغرفه بينما أخذت سلمى تعد نفسها..
●•●•●•●•●•●•●•●•●•
نزلت نور الى المطبخ تبحث عن طعام فسمعت صوته يقول:انتِ نازله ليه لو جعانه هخليهم يطلعولك اكل
نور:لا دا عشان مليكه لحسن هتأكلنا دا احنا قومناها بالعافيه
ضحك مروان ثم قال:طب اطلعى انتِ يا عروسه وانا هخليهم يطلعولكم الاكل
نور:مروان كنت عايزة اقولك حاجه
مروان:اتفضلى
نور:هو انت زعلان عشان اتجوزتنى يعني ممكن يكون عشان والدى مكنش راضى يمشيني معاك ف إضطريت تتجوزنى
إقترب منها مروان فتراجعت للوراء فقال:هو انا لو مش عايز اتجوزك لو كانت الدنيا بحالها وقفت قصادى عشان اتجوزك مكنتش اتجوزتك..لكن أنا بحبك ازاي معرفش وهيبقا أحلى فرح النهارده عشان انتِ عروستى
إحمرت وجنتيها من الخجل وقالت:يعني انت مش هيجي يوم وتندم
إحتضنها وقال:مستحيل
دخل يامن الى المطبح وقال:احم وفرو الرومانسيه دى بعدين أنا جعان
ابتعدت نور التى كانت فى قمة إحراجها وقالت:انا هطلع
مروان:اتفضلى
نور:و..ومتنساش مخلل عشان سلمى
ضحك مروان وقال:حاضر
خرجت من المطبخ ف انقض مروان على يامن وأمسكه من ياقة قميصه وهو يقول:هو انت طالعلى فى البخت انا امى داعيه عليا علشان واحد زيك فصيل يقطع اللحظه
