الرابط المجهول
الخامس عشر
على بعد امتار قليله من المشفى تقف نور وشهد...
نور:ها يا شهد تعالى ندخل
شهد:لا يلا نروح الشغل
نور:طب نسأل الممرضين بس ونخرج تانى علشان خاطرى يا شهد انا حاسه نفسى ندله اوى..
شهد:الممرضين بس
نور:اه اكيد الممرضين بس
دخلت نور وشهد الى المشفى واقتربت من غرفة مروان بعد ان سألت عليها نادت احدى الممرضات وقالت:هو عامل اي دلوقتى؟
الممرضه:كانت حالته صعبه اوى بس دلوقتى بقا كويس الحمد الله
نور:الحمد الله
شهد:اتطمنتى يا ست نور..يلا بينا بقا...
فى تلك اللحظه وصلت مليكه الى الممر الذى بين الغرف..فوجدت فتاتان تذهبان من الاتجاه الاخر...فكرت مليكه قليلا في ان تكون هما من أحضرا مروان..وما ان افاقت من شرودها على صوت سما وهي تناديها بأن تسرع وجدتهم قد رحلو فقالت:فى اي يا مليكه انتِ كل ما تشوفى بنتين تفكرى هما اللى جابوه..طب هما ليه كانو واقفين قصاد اوضته برده
ازاحت تلك الافكار عن عقلها ولحقت بسما ودخلت الى الغرفه...وقالت بصوت عالى قليلا:مارو..اي يا عم ما انت كويس اهه خوفتنا عليك ليه...
اغتاظ مالك من تلك الكلمه ونظر لها بحده..ولكن آثر الصمت...لاحظت مليكه نظراته ولم تعرف لما خافت فقالت:ال ..المهم..عامل اي دلوقتى
مروان:الحمد الله كويس
فى هذه اللحظه دخل الضابط قائلا:السلام عليكم
الجميع:وعليكم السلام ورحمة الله وبركاته
دخل الضابط وجلس على كرسي امام مروان وقال:مين اللى عمل فيك كده...
مروان:خناقه فى الشارع عادى
الضابط:ايوة يعنى مين اللى عمل فيك كده بتتهم مين..
مروان:مش بتهم حد يا حضرة الضابط ومش عايز اعمل محضر..وقلت لحضرتك خناقه فى الشارع عادى مع سواق تاكسى معرفوش وانا مش عايز اعمل محضر..
الضابط:متأكد من اللى بتقوله ده
مروان:ايوة متأكد واسف تعبتك معايا
الضابط:تمام هقفل المحضر..بس خليك متأكد انا مش مقتنع بكلامك ده..
خرج الضابط من الغرفه بينما اسرع مالك اليه قائلا:انت هتهزر يا مروان مقولتش ليه مين اللى عمل فيك كده وخليناه ياخد جزاؤة
مروان:مش مهم يا مالك
مالك بضيق:قولى بس هو مين وانا انسفه من على وش الارض
