الرابط المجهول
الثانى عشر
اخرج مروان هاتفه وبدأ يحرك اصبعه على شاشته قليلا الى ان اخرج صورة فتحها امام والدته وقال:ماما تعر....وقبل ان يكمل جملته فوجئ بها تقول بعدم توازن مروان ...الحقنى ثم سقط كوب الشاي من يدها وسقطت مغشيا عليها
اسرع اليها مروان بلهفة وقال بصوت عال وهو يضربها على وجنتيها بخفه:ماما..ماما مالك فى اي...ماما قومى
جاءت مليكه وخلفها يامن على صوت مروان فقالت بلهفه:فى اي يا مروان
وجدتها مغشيا عليها ويحاول مروان افاقتها فذهبت اليها مسرعه وقالت:طنط سما...اصحى مالك فى اي
مروان:اتصل على دكتور بسرعه يا يامن
يامن:حاضر
مروان:مليكه ساعديني نشيلها على السرير
مليكه:يلا
عاونت مليكه مروان على حمل سما الى سريرها
بعد نصف ساعه خرج الطبيب من الغرفه فأسرع اليه مروان بلهفة قائلا: خير يا دكتور ماما مالها
الطبيب:كويسه ان شاء الله ..عندها ارتفاع فى ضغط الدم عطيتها ابرة وكتبتلها على علاج تمشى عليه وهتبقى كويسه ان شاء الله
مروان:متشكر جدا يا دكتور
الطبيب:العفو
مروان:وصل الدكتور يا يامن
يامن:تمام
اخذ يامن الطبيب واوصله الى باب الفيلا
بينما دخلت مليكه ومروان الى سما جلست مليكه بجوارها قائله:كده تخضينا عليكي
سما بضعف:مش عارفه ايه اللى حصلى
مليكه:لا انتِ زي الفل انتِ بتدلعى بس ربنا يخليكي لينا يارب
ابتسمت سما بضعف وقالت:ويخليكم ليا يارب يا حببتى......اطلعى نامى الوقت اتأخر
مليكه:لا انا هفضل معاكى
مروان:اطلعى انتِ يا مليكه انا هفضل مع ماما
مليكه:حاضر
صعدت مليكه الى غرفتها بيمنا جلس مروان بجوار والدته وقبل يدها قائلا بنبرة حزن:ربنا يشفيكي ويعافيكي ويخليكي ليا يارب
سما:ويخليك ليا يا حبيبي
مروان:كنت خايف عليكي اوى .....انا مساويش حاجه من غيرك
سما:حبيبي ربنا يخليك ليا..
........•....................•................•
بعد مرور اسبوع
فى الصباح
افاق من نومه اخذ حمامه وارتدى ملابسه الخاصة بالعمل وقف امام مرآته يصفف شعره وضع البيرفيوم الخاص به ونظر الى مظهرة نظرة رضا
دخل أحمد الى الغرفه دون أن يطرق الباب قائلا:اي الحلاوة دى ....يا اخى ما تعلمنا نبقى ذيك كده
