الرابط المجهول
الفصل الثالث عشر💙🕊
سحب زياد نور خلفه وسط بكائها وقبل ان يجعلها تركب فوجئ بشخص يلكمة فى وجهه .....
وقع زياد على الارض من اثر اللكمه وضع يده على فمه ونظر الى قطرات الدماء التى سالت.. نزل صديق زياد من على دراجته واخرج سلاحا حادا ووجهه ناحية مروان وهو ممسك بياقة قميصه ويقول:انت قد اللى عملته ده؟
مروان:قده ونص ..لكمه هو الاخر فى وجهه فرجع قليلا الى الوراء....تقدم ناحيته مرة اخرى وهو يقول:لو فارد علينا عضلاتك دى... انا بقى مش هخليك تتحرك
لم يرى مروان الالة الحاده التى فى يده فقد ظن انها وقعت منه
فقال:وريني هتعمل.....وقبل ان يكمل تفاجأ به يطعنه بسلاحه داخل بطنه...
صرخت نور فور رؤيتها هذا المشهد
بينما قال زياد فى خوف:الله يخربيتك انت عملت اي هتودينا فى ستين داهيه
قال صديقه فى توتر:و...و..العمل
زياد:اركب
صديقه:ايه
زياد:بقولك انجز اركب
ركب خلفه ف انطلق زياد مسرعا بدراجته
بينما ذهبت نور الى مروان الملقى على الارض ولكنه كان يتنفس بصعوبه فقالت:انت كويس
مروان بصعوبه فى الحديث:لا....ودينى ...مستشفى...بسرعه
نور:طب اوديك مستشفى ازاي
شهد:انا هوقف تاكسى
نور:طب بسرعه
اوقفت شهد السياره بينما كانت نور تعاون مروان على القيام رآه سائق التاكسى فى تلك الحاله فنزل مسرعا يعاونهم على حمله...
...................•...................•...........•.
فى الفيلا
طرقت الباب طرقات خفيفه فسمحت لها سما بالدخول فدخلت مليكه وقالت: مساء الخير
سما:مساء النور تعالى يا حببتى
دخلت مليكه وجلست بجوارها على الاريكه وقالت
مليكه:عامله اي النهارده
سما:كويسه الحمد الله
مليكه وهي تفرك يدها فى توتر:يارب دايما
لاحظت سما حركه يدها فقالت:فى ايه ...انتِ كويسه
مليكه:اه..اه..كويسه
سما:انتِ هتضحكى عليا يا بت انتِ اخلصى قولى مالك
رجعت مليكه بظهرها الى الوراء وتنهدت وقالت: بصى يا سما سيمو ...من الاخر كده..انا...انا
سما:لا حول ولا قوة الا بالله....ما تنطقى يا ينتى
مليكه:متقدملى عريس ....قالت هذه الجمله ودفنت وجهها فى كفي يدها
ضحكت سما على فعلتها وقالت:واي الجديد طب ما دايما بيجو وانتِ ومروان بتطفشوهم...اي اللى اتغير
