الرابط المجهول
الفصل العشرون
تفاجأ الجميع بصوت تلك الرصاصه الغير متوقعه...وقع على الارض بعدما أصيب..جلست بجوارة والدته تبكى وتقول:ولدى..ولدى مات..ليه قتلتيه..قتلتيه ليه
تنظر اليه بأعين دامعه وقالت:لو أطول أقتله مليون مره هعملها..
نعمات:عملك ايه يا مفتريه
هند:مشوفتش يوم حلو من يوم مااتجوزته..عطيته كل الحب..اللى فى قلبى لحد ما بقا قلبى كله كره ناحيته..كنت بحاول أفرحه دايما واخليه ينساها..لكن هو معرفش ينساها..وكان كل غضبه وزعله منها يطلعه عليا..لحد ما خلاص طاقتى خلصت..ومهستحملش تانى أنا إستحملت كتير ولحد هنه وخلصنا...
تجمع الناس حول ذلك المقتول..بينما نظرت نور الى هند وقالت:مكنش يستاهل تضيعي نفسك عشانه
هند:لو كنتى مكانى كنت هتعملى أكتر من كده
نور:أذانى زي ما أذاكى
هند:لاه مأذاش حد زي ما أذانى...مكسرش حد زي ما حرق قلبى وكسره..لو روحت فى داهيه إتسجنت..إتعدمت..مش فارقه أهم حاجه أخدت حقى..
نظرت هند اليه مرة أخرى ثم تقدمت لتخرج من الباب فأوقفها رجال مجاهد..وأمسكو بها
نظر مروان الى نور الواقفه بجواره وقال:يلا نمشى
نور:شوف يا جدع انت انا مقدره وقفتك معايا لكن انا معرفكش مش همشى معاك
مروان:لا انتِ تعرفيني..وهترجعى بيتك أخواتك مستنينك..
نور:إخواتى..!
مروان:أيوه...يلا بينا بقا عشان نمشى
نور:بعيدا عن انى معرفش اخوات مين وبتتكلم عن اي بس انا مضمنش امشى معاك
مروان: بصى هو موضوع طويل عريض فهحكيلك فى الطريق..يلا هنتأخر
نور:لا مش همشى
مروان:اللهم طولك ياروح..يا بنتى هو انا هخطفك..
نور:وانا اي ضمنى
مروان:يعني بعد اللى حصلى كله من تحت راسك..من لما انضربت بالسكينه لحد ما كنت بتهدد بالقتل من شويه دا كله ومش ضامنه..!
مالت نور براسها للجانب ففهم مروان أنها لن تذهب معه فقال:طب بصى من الاخر ما هو انا مش هسيبك هنا...فهتيجي بالادب ولا أختار الطريقه التانيه
نور:وهي اي الطريقه التانيه
تنهد ثم قال:هكتب كتابى عليكي دلوقتى وتبقى ماشيه معايا مراتى...
●●●●●●●●●●●●●●●●●
نظر الى الجهة التى أشار اليها فوجد والدته القعيده على حافة سور الشرفه وكاد من يمسك بكرسيها أن يلقيها من أعلاه..نظر الى مليكه ثم نظر الى والدته إحتار أيهما سينقذ إن أنقذ محبوبته فسوف يخسر والدته وإن أنقذ والدته فسوف يخسر محبوبته..
تنهدت فى يأس ثم نظر الى جون وقال:ماذا تريد؟
