المهيوب

بارت تسعه وثلاثون

❤صباحكم محبه❤
....نازك الحمراني...
..المهيوب....
شيخ علي////

فدوة يلزمن دايني ولو شمة هوه
انه چرچوبة سجن وتحب ضوه

سلسبيل چانت بین ایدي من كالت نوار اجى ابوي هديتها طاحت بلكاع....صاح ابوي
-ولك علي خايب شجايب البيتنه
ركضت نواره علينه..

هي وامي دخلت شالنها خلنها على الچربایه..
ابوي وكف یمي كال

-شنهي بويه جايب حرمه البيتنه سولف اسمعك

-شسولف راجع من البر وصارت جدامي مو انه متقصد هي وكفت مقابيلي چنها مضيعه،شي..وحتى هذا شوف نقالها امها اظن تگلها وین مهزومه

-علي خافن وراها سالفه

-بويه وحتى تريد اعوفنها سلسبيل بشارع

-وتعرف اسمها

-غيررر من النقال عرفت...

-يله تعال اطلع راح تجي المضمده تشوف شبيها مابيها
طلعنه من الغرفه وعيني عليها زين هاي مبينه شابعه كتل وضرب،هسه هي مين مهزومه،ومين جايه
اشويه وطلعت المضمده،تناوعت الابويه كتله

-زين هي مضمده موووو دكتوره شنهي شتعرف،بله

-اصبررر يبووويه..اجت علينه المضمده الكل يعرفها ام حسن خوش مريه عمرها چبیر وطالعه تقاعد وردت سکنت یم ابنها بلقریه..
گالت متفاجا

-البنیه مابیها شي من الحادث بس شويه رضوض بيدها
وبرجلها..بس؟

دنيت عليها اكثر خليت ابوي ورايه

-كووولي ياااا ام حسن شنهي
-الحرمه مگتوله گتله من هل زینه،اظن بعصى،بحيث كل
جسمها مزورك،كل جسمها مجنز
حچیت بلهجتنه الريفيه الحاده

-شنهيييييييي معناهااااااا تحچيييي

-خافن وراهااااا سالفه العليه ضربيتها ابره مهداء وشديت باندچ علی ایدهاااا چم یوم ماتتتحرك،وايدها همينه

-ابره مهداء ألم قصدچ

-اي ومهدأي اعصاب لأن عدهااا أنهيار عصبي حااااااد

كوه لزمناها..بالكم عليها من المشاكل

_تعبناج ام حسن اتمنى الصار مايعرفه احد بسلف

-صاااار شيخ عل تامرون امررررر

-اوصلچ للبیت

-لااااااا ابني ناأاااااطرني...
كعد ابوي وانه رحت الغرفتي،تعبان،تمددت على الچربایه
ایدي جوه راسي،افكرن بحرمتي،اشكد چانت حبابه رغم
ماطولنه سنه..

زواجي الاول ماطول اشهر..وهسه ..هسه انه تعلمت على
الوحده مااريدن اجرب النصيب..
غفيت من التفكير الحد الصبح نسيت حتى سلسبيل