المهيوب

بارت تلاثه وسبعون

....صباح الخير....
....نازك الحمراني......
...

إن الأخ نعمة من الله تعالى علينا فهو المؤنس والصديق والرفيق، الأخ هو الأمان في هذه الأرض، هو الإنسان الوحيد الذي لن يخذلك أبدًا إن احتجته

كيف لا أحب أخي ورب الأكوان قال: "سَنَشُدُّ عَضُدَكَ بِأَخِيكَ"

علي//

-شنهاي غيررر نريد نفوت لا انت داخل ولا طالعه
ألتفت اله اتعذر

-السموحه يخوي السموحه رديت اتناوع المكان الزلمه
ماااكو شنهي صعدو فوك المطعم مشيت خطوه انطكيت بچتفي حيل ردت اعيط بلي صدمني بس طلع خايف ويتلفت ركزت بيه وهو يمشي حيل ولن اتذكرت وين شايفه هذااا نفسه ابو طرار دورات ابوسجاد يستعين بيه

مشيت وراه احاجي شو طلع بسرعه طلعت وراه أطوكفت أباب المطعم صحت بيه

-ابو طرار ابو طرارر...

لاف بسرعه بدربونه جاي أتبعه أدخل الها صار بوجهي شاب عاط

-لييش تفتر ورى ابوي

-شنهي أفتر خابن تحچى عدل زلمه داش للمطعم اريدن
أتغدى
تناوع اليه من فوك ليجوه صميت أيدي حيل حتى طكيت أصابعي كد ماصميتهاااا ودري أطگه بوجهه بس لااااا آکو کامرا فوك راسي

وهذاك الكرسي ضابط جاي يتغدى وياه عسكريين وهاي عائله وياهم جهال خليني أهداء هسه
رجعت ليورى أطلع المطعم رجع كالي "انت ردت تتغدى مو لازم تدخل
لزمت خدي احك لحيتي اجاوبه وكوه أسوي نفسي هاديء

-اريد اتصل بربعي يجون عليه..... توتر الولد وطلع من يمي بسرعه دشيت للمطعم وحتى الجوع راح مني على كد ماافكر بشاب الابس زي كردي،هلكثر يشبه المهيوب
زين اذا هو اخويه ليش شويه شعره بيه طول من ورى
وليش واكف يم هل حرمه،والجاهل الازمه منهووه

ابو طرار صدك شال من سلفنه بس ليش شافني تغيرت الوانه،الولد الوياه ليش بقى شاك بيه ويفتر اخخخخخ ربي تعبت عقلي تبند من التفكير

رتبت كعدتي أطلب أكل عاد اقشمر معدتي حتى لو مامشتهي
لمحت يم الكاشير المطعم زلمه جبير بلعمر تناوعت اله هذا الزلمه ابو البانزين بسلمان باك ابو مهيمن يجوز فرحت حسيت لكيت خيط أمل دفعت الكرسي أكوم
وعيوني اله وانه امشي صار جدامي نادل المطعم بيده عصاير بصينيه عثر بيه وطاحن الكلاصات بلكاع دنجت وياه اساعده عيوني للباب ردت أكوم النادل لزم ايدي متوجع اريد اوخر ايده مني لازمني حيييل عود متوجع

هنا دفعت ايده حيييل رحت للباب ركب السياره ملحكت
مايهم عنوانه عندي،بس خل اشوف شسوي
جعت الميزي وبقى النادل يلم بقايا الكزاز،وطلبت لحم شوي نص ستاو،
ومقبلات بين مايجي الطلب خابرت ابوي انتظرته لين شاله..

-هاااابويه بشررر عدكم معلومات على السايق حصلتو شي

-لاااا والله يبوي لان حتى بيتهم شايلين منه،ومطر،وبقية الزلم من راحو الجوارین گالو همه شایلین صار اكثر من اربع اشهررر