المهيوب

الجزء الرابع

❤صباحكم محبه ورضا❤
....نازك الحمراني....
.......

آنتي جن ولا أنس

سكتت الحرمه خزرت عيونها،
گلها مره ثانیه "أنتي جن ولا أنس...ردت عليه

-أني جنيه ،وانت نايم بگاعي والدزك هنا رايد موتك

-عليش رايد موتي

-لأن هاي الجزيزه اسمه جزيرة الطناطله
ومحد يطرها غيرنه

-وليش يردون موتي

-الغيره،والسمعه من تسبق البشر،أكو ناس مريضه،تكره الزين،وتنغاض منه

-لچن أني اريد الخير للگل

-ولآن ترید الخیر للگل رح تنداس

-أنا رجل نوعه معگوووووول

-اي معگول هسه أنت متعدي على گاعنه

-وشنهو تسوین بیه..وان عبد من عبید الله

-آریدنگ یفریجی

-شنهووو وليش

-انا الجنيه حمره وأنت كاعد على گاعي وداري

-لچ والله ماظن أعرفن

-وهسه اعرفت شرح اتسوي

مد أيده يطلع خنجره النحاس من حزام خصره
أنتبهت له وتشاگف عیونها ألكبار

-رجع خنجرك يفريجي حرمه تشوفك شجاي تسوي

-چا شلون اردن الخنجر وانتي وراچ شر

-هو منو الشر آگثر البشر،ولا الجن أني جيتك وگتلك أبن نادم ماله أمان،حنه لانجذب،ولا يطر الجذب روسنه

-چا گولي عليش طالعه اليه

-جوعانه،واريد أكل من زاد ابنادم،عليه نذر

--باگي بس لخبزات والخبز المالح يضرچ

-ونت ماتظرني أطني خبزه ماصخه

-هاااا

-أي أشم ريحة خبزه ماصخه واعرف انت ماتغش

طلع بقچه،زغيره فتحها ولن بيها كرصتين
خبز وبقى يضوك بيهن أطى وحده منهن للجنيه

أخذتها ومتحذره گالت اله

-یفریجي تريد موتي

-حشاااا

-يعني أكل

-سمي وتعرفين.....أخذت حافة الخبزه وبدت أتلوچ الخبزه بقت صافنه،هو صافن
علیها..

خزرته وصاحت،هاااااااا،یفریجي،شسويت

-ماسويت شي

كامت تمشي أحذا بس رجليها طايره موش علكاع
وريحتها مو ريحة أبنادم،

أجى يگوم سند ايده على التربان وتلمس شي تناوع ولن تطلع خرزه سوده وبيها عين حمره

ضحچت الجنیه وگالت اله،گوم یافریجي هاي ألخرزه حظك وصارت بعد بأسمك