المهيوب

بارت الخامس

❤مساء المحبه على عيونكم❤
..‌...المــــہـــــيوب...
..نازك الحمراني...

حبايب عذروني خالي اندعم على طريق المشايه وشوي حالته تعبانه چانت

......

...
لااااااه والف لاااااه لچن شفافك على صدري دوهنت روحي بخويط بلايه ابره

ضحك الفريجي گام منها ولن تصیر گباله الجنیه حمره

تفاجأ بوجهه الضاحك تناوعت له وردت تباوع الحرمته المتمدده على الجودليه..
گالت اله

-مفعول الخرزه جابلك بليليه وحده ثنين نساويين

-شنهي قصدج

-أليسوي خير يلگی خیرین وهاي أنت حصلت هل خير،واني مجرد سبب

-يحمره أطلعي من هني،لاتشوفچ خوله

تبسمت تباوع الخوله واله گالت

-گلبك عاشك نوعه،وتخاف على نساوينك شنو سرك يفريجي

-ماكو سر لاه باالله لچن مااحب الظلم

-وزواجاتك وعندك أربع نساوين

-حك ألله،ومامتعديه،والناس هنا من تهدي بناتها يعتبروها مهانه ألشرفهم من أرفضن

-الرجال حتى لو يعشگون جسمهم من یشوف مریه یشتغل بلا گلب

--شتردین یحمره

-ردت آشوفک مرتاح

صاحت خوله بهمس

-علامک یفریجي تحاچي روحك

التفت عليها اجى يگلها آحاچي الحمره التفت لگاها مامش

غمض عيونه محتار شنهي سالفة هل جنيه
وشتريد منه

طلع من الخيمه لعند الشط يسبح،الظلام وراه بلوه ماتحزر

والشط ورى كيعان بلايه بشر،غسل،وكمل
وكف يم الراك لبس ثوبه،والخرزه بيده

من شال اشماغه من الكاع لكاها معگوده بحافة الشماغ

سمع صوت ذيب يعوي ورئ العاکول العالي،والنخل

نشف وجهه بلشماغ تگرب للصوت گلبه گوي مايرجف،رغم هندس

وجثته مانهزت من الظلمه،ألگل یخاف یطلع بجزیرة الطناطله بنهار،وهو بنص اليل عبر الراك حتى يشوف الصوت

وكف منشده من الشافه،بزازين هواي،
متجمعات،يجن وحده ورى الثانيه،شاف وحده تمشي عرجه،

راد يتذكر وين شايفها،هاي البزونه من چان یروح للعین،یشوف نوعه،مرتین سافها هناك

ماهاب ولا خاف جمعة البزازين،أله من شافهن تجمعن داير ميدور نار،چنهن حبایب یتسامرن

تگرب مغطي جسمه،ورى نخلة تمر ديريه
سمع البزونه،ألعرجه تگول

-الفریجي رح يرد،النساوينه،گالت البزون الثانيه ،شيخ أبو غالي،مايريد اله الخير
لچن تالی یتندم