المهيوب

بارت ثمانيه وسبعون والاخير

..صباح الخیر....
..نازك الحمراني....حبايب مثل متعرفون تعطلت بسبب تلث ايام انه فاتحة ابن عني الي كتبتلكم عنه شمرو على بيته قنبله من خلصت الفاتحه الاضحيه مال اخني سجى الله يرحمها التهينه بيها اتمنى منكم تعذروني وتترحمون الاختي

....
كيشان//

يـ فزه نـومتي واللـيش واليمته
يـ لهـفه شوگ بيه انتَ.

ماكدرت ارجع الابو سجاد رغم شفت الحزن بعيونه من طلع،رحت انه وامي للعماره وكملنه تجهيزات ملابس الجامعه رغم راح اداوم بس مقهوره مادخلت التخصص الاريده الطب البيطري،
او الصيدله،

لأن اله اروحن اقسام داخليه ومنها قررنه انه ورقيه انداوم كلية علوم

رغم طلعنه انه وامي نشتری ملابس
،وحسيون وقاسم ممقصرين عليه يشاقون،
ومايسئلوني ليش بايته عدهم حتى مااضوج او امي ،ابوي هم غلسو حتى مااتحسس الكل يسولف ويضحك وانه احسن بلوحده،والفراغ مشتاقه اله موت
باچر الجامعه اشلون اروح وهو قبل وعدني اول يوم ياخذني لزمت موبايلي أدكن عليه بس لااااااا مااضعف خليه يعيش حياته ويه بيجو بس هي يذكرها
الصبح اخوي حسيون حضر الفلين الي يخلي بيه السمچ
حتی یروح للعماره یبیع بلعلوه

بهیه بلمطبخ توگل الجهال،ومخلیه عبایتها عل کرسي تطلع..ودي اكلها يومين عدكم بس وين تخمين كلت معليه اذا امي ساكته
دك موبايلي،رقيه فتحت خط،جاوبتني

-هاااا كيشان نجي علييچ لو منو یاخذچ
باوعت الحسیون،وشلون یلم السمچ العدل ویحطه بلفلین،والمیت بطشت
،رجعت احاچي رقيه بصوت عالي
حتى يسمع حسيون لان خطيه يريد يرتب مكان اليه بسياره وحتى مااتحسس من الزفر رغم سيارته بيكم كشف يعني السمچ مو یمي بس هو خايف على ملابسي
وكتلها

-لاااااحبي رايحه ويه اخويه حسيون اليوم هووو باچر انتم وثانیا وییین عفتي ابنچ

-وولچ عفته یم عمتي بين مااصدق الاجازه طوني بس عشرر تيام
-اهااا يله مابقى على الاربعين اله اسبوع مووووو

-لااااعينوني قبل ويين عشرين يووم بعدد هووواي

-يله عيوني الله يسهلچ
اجیت لحسیون،فرحان بلبس الكليه،متبسم گلي

-هااااا شنهييي گملتي

-اي جهززت

-طااااالعه چنچ مذيعه

-لااااا مو مذيعه انشاء الله طبيبه ادخل دوره منا مناك حتی اتخصص لان مااحب اصير بلمختبرات ولا احب اصیر مدرسة احياء

-الله يسهلچ یارفعت راس اخووچ
جاااي اركب وياااه اجى شيخ علي دك هورن يصيح الحسيون ويضحك

-أبوووو شباب تعاااااال جيب خيتك وين ماخذها وياك
رد حسيون وكلش يحب شيخ علي

-رووووحي ويه علي عييييب جااااي مناااااك روحي