المهيوب

البارت السابع

❤الحب والود على عيونكم❤
......
الـفاجد امـه اشلون ؏ـايش زمانه
عـدله امي ومـن اتنام استاحش آنـه

شلون ادش بيت هلي ومامش أحد
لا أم،لا اب،بس حيطان بلا يه سوالفنه

ألفریجي من ضوجته شد ارحاله وأطه الوجه صوب ألنجف

طول الطريق حمره ماعافته تفتر وراه
وهو ماهمه وجودها...

وصل للنجف دخل للامام (عليه السلام) كمل طقوس الزياره حزين،مقهور

گعد بالضريح عله صفحه اوگام يبجي ويسولف ابصوت ناصي وي الامام(ع) بس محد يسمع اشجاي ايگول لچن الفریجي مايحب احد يشوف دمعه

نزع أشماغ يذكر نسوانه الاربعه دعى وصلى ركعتين الزياره وهو مخنوك

يريد يعرف ليش الدنيه مالت بيه شاف
رجال شايب دخل للحضره

كعد يدعي وطول بدعائه اجى الفريجي يگل للشايب گوم صلی رگعتین أقرا الزياره

ولن يباوع للشايب گاعد بالضريح طاح ابشليله شي من السكف مال الضريح.. شاله الشايب فرحان يبوس بهل شي

تقرب الفريجي ولن تطلع طابوگه ذهب من مالات الگبه الشريفه..

رأسن التموا عليهه ذوله الخدام الي بالامام(علیه السلام) ايريدون ياخذونها منه..

الشایب عصه آعليهم اوگام ايصيح هاي جدي اطانياهه،شنهي تاخذوها

انه حاچيته گتله معتاز اوهوه اطانياهه ..
آتزايگو ويه الشایب وهو عصه اعليهم كلش ..

صارت هوسه جوه الحضره ألمسؤول مال الحظره أخذوه وراهم راح الفريجي .. سولفولو خدام الحضره السالف للگیم

وصاحبنه ايصيح انه حاچيت جدي اوهوه اطانياهه.. سأله الگیم "شلون حاچيت جدك اشگتله ماسولفنه بالله...

گاله‌الشایب گتله
يحامي الجار ماتلتفت لبناك
انه ابعوز وانته ذهب لبناك
قسمت أعليك بلغذاك لبناك
أغثني الوگت غثني اوعال بيه

گاله الگیم عز الله جدك أطاكياهه أومحد ياخذهه منك ..
والله والنعم من كرم ابو الحسنين علي ( عليه السلام )
الفریجي باوع للگبه صاح ( ياعلي) يا علي بحماك يا حامي الحمه ارید تبرد گلبي على فروخي وأمي

هجس بروده نزلت على گلبه،وعرف الزیاره مو للي يصلي ويادي الطقوس كامله

الزياره يرادلها نيه ومعرفه بحگ اهل البیت..

رد الفریجي الأم كعيده وقرر يزوج ضحيوه ألگوشه

آجت مرت عمه آم ضمد وابو ضمد،للبيت رتبو اله،وجهزوه

مدو المدات،وصناديك الملابس،خلوهن بزوية الغرفه

دخل الفريجي البيته،شاف الحوش مرتب
راح للمطبخ لكى الچانون مزهب
وصحون الآکل بسلال خوص..والزاد بکواني جنفاص،والحب متروس می