المهيوب

بارت خمسه وخمسين

۰۰۰صباح الخیر...
...نازك الحمراني..
...المهيوب..

نواره//

اليوگع بالعشگ سالفتة مفضوحة،
يوكف ع المرآية ويضحك لروحة
أنة الطول عمري ماأبچي على شخص،ولا أنقهر
لأن اخذت أطباع جدتي الشيخة ريمة،من أكعد يمها من تسولف،من تحچي شفت بيهة القوو،والحكمة

حتى من فكرت أنعجب بشخص چان بآبو سجاد،لان شفت بیه الاصرار،والقوه،السند

،
ومن عرفت اخوية حببتة اكثر لأن هو اريد القوة الدوم يمي،

الحد ماانتبهت،والحد ما انشالت الغشاوة لان اعرف بنفسي من زمان منتبهة بس اغبي على گلبي واقنعة أنو معجبة بأبو سجاد،مو بنمار والى ان عرفت هو معجب بية اي نمار!!

،هوووو الوحيد الدخل گلبي،وچنت الهي گلبي أنو ابو سجاد أحسن،واحلى واثقف
،وشخص نعرفة من زمان

الحقیقه العايفيتها بگلبي وطفحت،رغم خاشتها من زمان

أنو النمار هو الحب،والشجعني احچي بحبة نظراتة الية

وتصرافتة وارتباكة،واعترافة
اعترافة الية خلى گلبي موجوع
،مقهور،لان انة وياه ماننجمع ولا في يوم يصير نصيب،من جهه

ومن جهه ابو سجاد قافل علية
اله ابوه وعمامة يجون للعماره
وابو وعمامة رافضين

مخنوكة من نفسي،ومن حظي بقيت ادرس،ولازم انجح،

يمه فدون ،غدير موش اختي انتي ساعدوني،قنعوو المهيوب،يقبل بنمار حتى لو ابوه مايقبل ماايقبل

ردت غدير علية ضايجه،"كااااافي نوارة المهيوب يعرف يتصرف ولا ابوي شلون يخلي هو المتحكم

ردت امي"فعلا كلام اختچ،رغم ضايجة من سكوت علي وابوچن ومخلي المهيوب يتحكم بس هو قراره صح
صحت ضايجة

-وشلوووون صح ترى حرررررام عليكم كلكم ضدي
گالت غدير

-لاااا تحچین هييچ شوفي نوارة انة طووووول عمري من چنت زغيرة،الحد هل لحظة مااحب اتخذ قرار وحدي لازم اشارك واسمع الاراء،چانت حیاتي صح الصح
الى أن صار زواجي،ماخذت رأي احد لان اقتنعت بحچي ماما،وفكرتها،نعيش بغداد  لذالك زواجي غلط

مااكلچ ماما ختيارها وياية غلط لا بلعكس

،بس زواجي ابوية وعلي،وشيخة ريمة ماراضين عنة
وحتى المهيوب من  اجى باركلي،گلي قرارچ ماادخل بیة
لا انه اخوچ ولا ابوچ بس مارح ترتاحین ،بقرار فردي

وهمين رح تضیعين نفسچ وگل واحد یحبچ‌

مافهمت حچية لان چنت مقتنعة بشي اسمه زوج من بغداد احسن الية

وهلدشوفين النتيجة ممتفاهمين انه وياه..

-غديررر انت اختي ساااعديني