المهيوب

بارت الرابع والستون

.. صباح الخير...
..نازك الحمراني....حبايب تعذروني كلش لان دوامي ظهري ارجع ٤ونص يادوب الحك اسوي فطور،وبعدها تعرفون مواعين وترتيبات البيت واقري الجهال لذلك ابطي اعليكم..وهمات تنويه اللهجه اامغربيه جدا صعبه وماعندي وقت اكتبها وترجم لذالك مااستخدمتها..وهسه بارت تصبيره منا ليوم ستراحتي من الدوام ارجع انشر كل يوم..
.........

الله يحفظچ لان گلبي يحبچ
-هسه يلله ارتاحيت من الطيارة شنهي موش سفر موت احمررر

-هههه لان مامتعودة طلعنة من المطار
حتى ناجر سيارة

وصار بوجهنة رجال سمين صاحب بشرة سودة كلشش
وجهه سمح،سمح،بشوش جبير بلعمر شعره المجعد مكتسحه الشيب

تقرب علينه يحجي مغربي شافني نص كلامه مافهمت رجع كال
-انتم سائحين
جاوبته واتلفت يمنى يسرى ادور على شخص يصير صاحب علي بس هاجرر وي المهاجرين وعلى اساس يستقبلنه
عاد جاوبت

-اي سائح انة وحرمتي بس منتظرين شخص عراقي يجي علينه وياخذنة من المطار للفندق

-من اي منطقة الشخص الي راح يجي الك
-منطقه قريبه على سوق الاربعاء

-قصدك من منطقة البصره لكن منطقة البصره بعيدة عن مطار العاصمه جائز زحمة السير عطلته

-انت منو وليش تريد تساعدني

-سائق انا سائق اجرة يعني أبحث عن رزقي بكل مكان ومن شفتك لابس البس ديال وانه بزاف بزاف احبه كلت انت خليجي اجيت وجبت الرزق اليه

-وذا گلتك انة من العراق مو خليجي

-مايهم اي دولة المهم اخذ منك رزقي

-اسمك

-اسمي محمد السائق محمد المغربي

-أبو سجاد وياك ابو سجاد من جنوب العراق

-تشرفنه ابو سجاد وهسه وجهتك وين للبصره

-يااخي اي بصرة لا مو بصره زين منطقه مراكش اسفي يمها قرى هوايه
اقرب قرية تاخذني الها

-الصويره اقرب قريه على(مراكش اسفي)

صفنت اشو هذا محمد يحچلي منطاق اسمائها عراقيه.عاد كتله

-چاااا ماشي انت تريد رزق وانه اريد دليل هسه اخذنة الي فندق وانطيني رقمك حتى اتكون انت دليلي هنانه والحساب يجمع

-مو قلتلك انت رزقي

-الله الرزاق مو انه

اخذت كيشان من ايدهااا بيدنا الجنط نسحل بيهن ماقبل محمد اله هو ياخذهن

والحلو بمحمد رجل يحب يدور رزقه بكل مكان بحيث متعلم على لهجة الخليج كد ماياخذ سواح خليجين وهلشي فادني
لان اللهجه المغربيه صعبه عليه