المهيوب

واحد وعشرین

❤مساء المحبه❤
....المــــہـــــيوب

-تدنی بهدای،ولزم متنها،وچن یاخذ كطره كطره من حب الماي

تلزك جسمهه ويه جسمها
وعيونه جدام عيونها..شفافه گبال شفافها
یاخذ حگه بهل الليله ...كام وبيده النيشان
وگلها

-منهی الگال بعدچ زغیره،یمفلوگه،اخذتي
الوجع من ظهري وخليتيني مثل شايب مضيع اهله يدورله ديره

-يبووووو يحشااااااااااااي،وحيل افادي مشكگوره منك وومن حنانك،وزودك،يبو هيلة

مشاكل رضوه،ويه حنينه ماتخلص لان حنينه غياره،ورضيوه فطیره...ودوم تسولف شيصير بينهه وبين الفريجي لشريجتهه
..وصل الفريجي ١٣حرمه بحياته مااذى وحده بيهن،ولا ضرب وحدة بيوم

غيرالدلال،والمحبه الزوجیه منه مشافن
لچن هو مالگی حب الی عاشه ویه نوعه
...بهل فتره وبعد ماگبرت هیله،الکل بسلف یحبها موش بس بوها

فرخه حلوة بملامحها النکریزیه،وملوحة المعدان
والمحليهه لسانهه المعيدي الينكرط وحصانها الزغير التفتر راكبته من تطلع ويه بوها بيومها طلعت للشارع تلعب محلق ردت للبيت ضايجه تنافخ..سألتها حنينه

-شبيچ یمه يا هیلة گلبي،هيلة روحي

-يمه أنه شبيه وحد من الناس

-ياااع تكولي شنهي وحد،من الناس خايبه
شچم هیله عدنه،

-چا سوولي الآریدنه

-شنهی التردی یبعد امچ

-أريدن أصيد بربش،دلم،خضيري بالبرن
-يااااع خايبه،لااااتكوليها اخافن عليچ
لا تجي. چیلة صياد بيج
-ما ما ما اریدن آتعلم مثل،زعيبر،جوارينه

-وشتتعلمين خايبه ابوچ خافن مایقبل...

بین ماتحچی دش الفریجی للبیت،وتسمع حجيهن
صاح ماد ايده

-ياعرب الله شنهي من بنيه  هاي تعاي لحضن ابوچ یابعد ابوچ ماتطلبين انتي تامرين امر

رکضت هیله تحضنه

-كوه بوية

-كوه حبيبيتي كوة حيلچ یهیله يرويحتي ..تسمعت شتردین وتم وعلی امرچ من هالخشم ماهو  زعیبر موش احسن منچ یبنت ابوچ

-هلاااااا وهلااااا بأبوي يمتى اروحن

-هساع نتغدى ونروح

-صگد بويه

-اي يبعد ابوچ.....‌

تغدو وتزهبوو للطلعه اخذها وياه للصيد
يعلمها تلزم الچیله،
يعلمها تصيد،ضحكتها ملت البر والهور ،وهي تصيد

شكد وده يروح للصايغ يسوي ليره باسم هيله بس حلف الفريجي بعد مايدش للولايه بعد موتت كرستين.... لان هجس قهر من العمارة رغم ما  توصل مكاتيب من ربعه هناك يجيبهن اله ضمد