المهيوب

الجزء الثالث والعشرون

❤صباح المحبه❤
.....نازك الحمراني....
......

استسلمت ريمة لقدرهه مع انهه جانت حيل مغضبة تصرخ وتضرب كل من يتدنالهه

الفريجي ظل طول الوكت ما تركهه جان دوم يباريهه

وشعور الذنب والخوف خلاه يهجر حنينة بلا ما يحس ..

ريمة قررت تتعلم تعتمد عله حالهه قابل يوم يومين هي حتظل عمية طول العمر كامت وتتلزم بالحيطان

وتمد رجلهه عالكاع بهداي حست بروحهه اندلت الدرب ..

براسهه تتخيل مجان كل شي

هنا الصندقجة

وهناك الفرش

وهنااااا الحاف ،وهنانه المخده

تمشت يواش يواش تفوت للحمام والوصيفة وحنينة واكفات يتناوعنلهه

ولن تصرخ ريمه لازمه بطنه؟؟

كعدت على تخت الحمام تتلزم بطنها وتون

جت حنينه تحاجيها من ورى الباب

-هااااا يريمه شبلاچ احچي..

-مابيه شي روحي من يمي

-خايبه يل رعنه يلفصليه فوگاتها تنترین

-شیخه لا تغلطین تراه انی بخیر لچن مااکدرن أتعلم عليچن خاف ابقی طول العمر عمیه تبقن تبارنی شنهی

-لاااااه لیش تتفاولين على رويحتچ موش گتلچ انتی خیتی

-ماتقصرین شیخه

-یااااااع خایبه شمال عدوچ قابل متعبتنی شو الوصیفه تساعدنی

-میخالف شیخه بروح الماتو‌ الچ اریدن اتعلم علی رویحتی

-خوش یریمه انی هساااع رایحه وي حبايبي بسلف ازورن گبر بنیتی هیله یمن عساها بحظه وبخته من الحرمني من بنيتي

-الله يبرد افادچ یشیخه توزرت حنینه لبست العصابه الحریر،لفت الچرغد لف‌وطلعت وی حبایب السلف یزورن مگام النبی هناک

وهمین تزور بنیتها...ریمه بقت وحیدها بلبیت،سمعت الاصوات ماهیه،بطنها الوجع

عرفت منین ،اجتها "العاده"

نظفت جسمها،بخت أميه على رويحتها

طلعت،تفتر البيت حتى تتعلم وتمشي بلايه ماتتعثر

مشت ماده ايدها،تتلمس الهوى،وكل خطوه

تمشي تتعثر بطابوريه،لو مقاعد،لو بلوله

عرفت هي كعد تتمشى جوه مضيف الدار

رجعت عادت المشيه اندلت وين توكف وين الطابوريه،وين مخلين منقلة الأگهوه