المهيوب

بارت سبعه وستون

.....صباح الخير....
....نازك الحمراني....حبايب الي نذكر بهذا البارت احداث حقيقيه ميه بلميه محبيت اضيف فقط مشاعر لا غيررر  متابعيني  القدماء يعرفون دائما بقصصي اكو بارت مااضيف اله اي حدث خياليه مجرد اجيبه كوبي بيست من الابطال..همات كلمه للي يحاولن يدورن حب اصفر  برگيه بیضه
ا اذا متحبني ومتحبن القصه تركنها لطفا وعوفني استمعت انه ومتابعيني وحبايبي
برواية المهيوب😊😇

...المهيوب...

....

اجى علي وغدير...گالت غدير انه ابات يم وسن
من خوفي على ابن ابو سجاد كتلها

-لااااا غدير انه انه ابقى وسسن انه خيتچ
-اي كيشاان انتي تقرين قرأن هواي على بطني

-اي اقرررا والله

الكل صافن على خوفي على ابن المهيوب محد يعرف بعلتي لان انه مايصير عندي
عاد وسن تخلف اله مكاني
رن نقال علي رأسن عيوني صارت عليه
وغدير سألته
-علي علي شصايرر كوول ليش صفنت

-ابوو سجاااااد سوى حادث والسياره محترگه گلهاا

أحس مااستوعب السمعته علي واكف يمي ونقاله صوته وصلني هل كلمه لاااااه اتخيل
چانت ایدي جوه راس وسن،ومن سمعت هييچ وخرت ايدي،وكفت گبال علي ممستوعبه واريده يچذب اذني
-علي شنو السمعته منو الحترك هاااا الله علييك كووول
ترى أنه گلبي لايب على أمي مريضه
،وأخوي قاسم الي رجع الدرب أم مرجانه،
ولأكثر من هذن أمانة ألمهيوب وصاني على ابنه
وصاني على وسن وثنينهم اول سافر صار الي صاررر

يعني الله علييك كووولي الصگد وكون الصگد مو لبالي
من حچیت هیچ خلی وطلع،عافني،التفت على وسن غفت من الابر،غدير،وام علي طلعن ورى علي وانة رجلي بادت

أبو سجاد انت زين اعرفن بيك زين،بس منو الحترك هااا
حااااچوني ياناس أحچي وصوتي ماواصل بس الأذني صوتي ماساعدني

ولا حتى رجليه اريد امشي اطلع العلي اساله

ادموعي تنزل وگلبي يبچي مامعقوله ابو سجاد يعوفني

اي اروحن العلي أتأكد سندت أيدي على مساند الچرابي،امشي مثل المگرمه حتى ارید بس أو اوصل الباب الغرفه

لیش صار بعید الباب رغم قريب كلش عليه،وصلتله كووه
مديت راسي وادموعي بللت خدي تنزل وحده ورى الثانيه اريدهن يهمدن يسكتن ماكوو ليش عيوني تفاول على المهيوب

مسحت وجهي وصلت يم علي وجهه مايبشر وهم دموعه بللت لحيته

باوعلي وانه وهوه ماعدنه احد بغلات ابو سجاد رجع بيده النقال يتصل،وماكو رد
وكلما مايلکی تصال عیونه تحتقن دم

التفت آلغدير تتصل،وام علي،ماكو جواب،
وانه همینه بيدي النقال بس وين اكدر اتصل،

انه اذا مايجاوبني ابو سجاد غير اموت قهر،اموت حزن شني ابوسجاد يصير بيه شي والله مااستوعب