المهيوب

الثالث عشر

❤مساء المحبه❤
نازك الحمراني
المــہــــيوب

-يلبخيت أسنيدس أتسمت بأسمك من يوم لخفة النار ثوب الشيخ بلمضيف

-عندی ثلاث حرمات والله

-والشرع حدد اربعه بلمبارك ولا ترد

طلع الفريجي من الصريف سمع صوت صهيل حصان من بعيد

شاف جسم نايم،على الحصان تكرب الحصان ومن الافخاذ والباس الكودري
والأيد البيها دم والقبعه الجبيره الجنها طابك خبز عرف هاي كرستين ؟

تلمس ايدها خلا ايده على ركبتها لكها بيها نبض
تكرب الخشمها لكاها تتنفس

ركب للحصان وراها وهي على حطتها متمدده

يريد اخذها للكشافه حتى نسى العطيه
ونسى حچي ابو جعيد،وبنته سنيدس

وصل قريب على بيت الكشافه"سعده"
طفر من الحصان مد ايده ينزل كرستين فزت نزلها على كيف

-تكدرين تمشين..

-ايش تكدرين اهاااا مشي يعني قصدك

-نعم استطيع...وكف مقابيل سانده جسمها عليه الصريفه صاح

-خاله،سعده" عدنه حرمه تريدج تباريها

طلعت سعده" شافة كرستين مستنده على الفريجي دكت زيجها

-ياااااع چا انت حتى متزوج کریزیه شنهی
خاله يلبخيت الوادم زلامنه ترید تعرس مابقن نسوان بديره
رحت لحكت النكريز على بنتهم

-لااااه یخاله شنهی أتزوج موش اني الازوج من غيرطينة ديرتي

-چا منهی هایه

-های نكريزيه أطگ تصاویر تحرک گلوب النکریز لان عدنه هور،وجوامیس
وگل الربعها عدهم سعده الکشافه

-ياااع شهرتنی الله یشهرها دنیه واخره
شنهی شمسویه قابل رایحه التیاترو
زین باچر عکبه‌ شدگل الربها وتصورني
وانی حرمه مستوره وکل قصدي اساعد الوادم

-مو شهيره اسمه

-يااااع چا اهیس عیب وین اطی وجهی بسلف ومن اخم علی شرفنه

-مو انتي خاله الحرمه طک هوای تصوایر وهسه تنزف تساعدیها

-هاااا چا أكولن تدشو شعليه من الناس وشعلا الناس بيه

وكف فريجي برى الصريفه ناطر كرستين يفكر ليش كرستين اجته وشتريد

ويفكر بنساوينه كل وحده بيها لوله لالكى عشك ولا لكى حرمه مثل نوعه..

مسد على الحصان يحاجي

-خابن انت شجابك الطريجي خیالتک دزتک علیه صهل یهز راسه

علی صوت الحصاناآآ

شوي وطلعت الكشافه سعده،كالت اله "خابن تعال ألحرمه نزفت چثير،يراد تاخذها لستخانه