المهيوب

الثاني والعشرون

💛صباح الخیر 💛

المــــہـــــيوب
نازک الحمرانی..
...........

....
بوج تنسينه ..وماتجيبين سيرته لاااااا ادفنج انتي ووياه .

سكتت ودموعهه غلبتهه نزلت راسهه تباوع بالكاع لاجل ما يلمح دموعهه

عافهم وطلع مغضب وصاير ناااار ما تنجرع

كعد بمضيفه متضايك حييييل وميعرف يفكر

اجاه الكهوجي يركض

-السموحة شيخنه هذا ابو مهيدي يريد يحجي وياك

-خير ابو مهيدي

-شيخ ابو عليوي يترجاك الرجال ديموت ويريد يحجي وياك دخيلك تعال شوفه
تعااااال لحک علی. ابو‌الفصلیه

مرت تلث ليالي والفريجي ما راد بيته ..
حنينة نارهه مشتعلة وتلوب لوب بالنهار تبجي عله بنيتهه
وباليل تبجي علة صاحب الروح ومالك الكلب ..

كل ظنتهه هجرهه عبنهه عاجر وخافن زلمتها اطو حرمه هديه چیف شیخ

نارهة كااابة ومطلعة الحركة بریمه
.تتزامخ علیها کل شویه....بیومها اندک باب البیت

راحت حنینه فتحته وریمه چانت نايمة بمخزن المونه

ظلت حنینه تتحچی وی الطارش وجهة تکدر ولن هذا الطارش من الشيخ

سدت الباب حنينه مخنوسه تفرك بيدها
ألنوب كامت

ساعة تتناوع الريمه بمشتفة وساعة تنقهر عليهة عبن يتيمة  .

تسحبت ريمه لمخزن المونه غفت مرتاحه محد يدردم أعليها

كعدت عله دفرة من حنينة ..وصياح

-كومي ولج زهبي الريوك وحضري الخبزات ...

-شوفي يحرمه لونچ موش مکسوره چان عرفت شنیه اسوي بيچ

-وچ شنهی تهددینی یاچتلات بنیتی

-مو حنه نچتل جاهل ،ولانچتل غریب
حنا طباع البدو نحكي الضيف الغريب

-خايبه هم يلوك،لم الفتوك...

-منوه ام الفتوك،خابن تعلمي تثمنين جچایتچ الفتوک...مو الیه تلوک للیکولها‌
و‌ناسی ربه فوک

-تیله همی وستعجلی، زهبی الریوک

باوعت ریمه لحنینه،وشدت لثمتهه زين  عبن ما تكدر تنزعهه لان حنينة مرة الشيخ كل شوي فاجعتهه ... هاي وصاة ابوهه ما تنزع لثمتهه بيوم  اله لرجلهه 
طلعت بالحوش ادور عالتنور مالكت شي ومااندلت وين الطحينات حته تعجن للخبزات ..

تفتر ريمه تدور أجتنها حنينة شايطة والشيله السوده عاديه مثل وجهه عبنه أحترك من شوطت هليين...صاحت

-وينج يمصكوعة شتسوين هنا وين السياح ؟

الشيخ الفريجي رد من يوم امس البيته كعد ومامش ريوك