المهيوب

الحادي والعشرون

❤مساء المحبه❤
.....نازك الحمراني....
..........
صار لزوم اجيبن الحكيم امج حتضيع مننه يا ريمة .

طلع الرجال بهل ليليه يدور على الحكيم راح لولد عمامه بلكن يدلوه صوب ألحكيم
بس بلغوه انه ماكو حكيم بهالسلف

ولزوم يروح السعده تمشى غااااد من سلف الحذاهم ..

وخذا من ابن عمه حصانه  عبن هو حطاه عندهم جيه ماعنده مجان له ركب عليه ينشد على سعده وما رجع اله وية ساعات الظهر من اليوم الثاني وبسرعته يركض

ما حس اله والحصان انشده وثار ورفس عالي بالهوى اثاريه انشده بحية تعبر الدرب وخاف منهه وثار وهو يرفس ابو عليوي من ظهره وينهزم بكل سرعته .

جاه المكهوي يركض

- ااااااااالحك ياااااااتااا شيخ بنيتك هیله يااااااشيخ بنيتك

-شمالهه عزیزة ابوها شعلامهه وشمالك تصيحن عله هیلة كلبي

- دا....دا.. سه داسه حصان هايج يالشيخ

ركض الفريجي وراا المكهوي ينشد بته الصغيرونة وعزيزة كلبه هيله..ماكدر يسوق الحصان،

ركب الربل، مال ضمد وجسمه بايد وریجه یابس مایعرف شنهی یساوي..

نزل بسرعه ولن هیله نایمه علی وجهه
مد ایده شالها لحضنه..يتناوع الوجهه الابيض المترب، ولكصايبهه الذهب المحناية بدمهه ...تلمس خدودها..

-يهيله يبنيتي،يرويحة ااااااااااااابوها
يحال،ابوها
شعالمچ منهی عورچ،یهیله
ليش ياااااااااا هيلة كتلج حذا البيت وعنه لا تبعدين شجابج لهالدرب يا هيلة

تکعدی یبعد ابوچ،امچ حنینه،زهبتلچ نفنوف للعید
ياااااااااابويه يحظك يفريجي ريت امي ماخلفتني ومن حدر أرجولها موتتني..

يااااااارب شنهي ذنب الفريجي ملعوون
،ممذور دايس عتبت سيد،وهيچ حالي

أبويه،امي،نساويني،أفروخي الماشفتهم
كلهم راحو وتصبرت بصبر نبينا أيوب
يربي أله بنيتي،فدواتك يبو السما الزركه
مكدر بلياها،دخذ روحي وراها

ضماهاااااا ألصدره يبچي بصوت عالي خشن يطلعه من زردومه
حتى ربعه،والسايس،،والكهوچي خافو من صوته
ساعه کامله بحضنه شابكهااااویشمشم بکصایبها یمسح التراب من وجهه..جاه صوت ضمد بن عمه

شيخ فريجي یبو هیله
اطنه بنتك ندفنها حررام....اندار علیه وعیونه حمر،وشکله مغضب قاسی

-شنهي منهي الگال بنیتی تموت هايه الشكره،ام عيون وخدود ورمش مكحل

أليوم لچتل کلمن داس ظهرها
واليوم أدك بيبان ألموت لدنت ألها

يوردة العمر،ويا فرحة السنين أكعدي ،ياأخر الصبر غني بدندن

يبنت كرستين لاتعوفيني وترحين الأمچ،وابگی وحدي بدنيه ماترحم