انا : واخا سير ا بب كمل خدمتك ... واش نتي تصطيتي ؟
سلمى : وانا باش عرفتو حداك ؟ اصلا محال يفهم
انا : اه جاد مايفهمش ؟ منيتك ؟ وأصلا لاش مسولاني بعدي مني ويلي
ايمان : ههههههه زعمة حشمات
عبير : صافي آل بنات بعدو من العروسة ديالنا غاتقلقوها لينا
انا : صبرو نجيب trepied باش نجمع الكوزينة ونهضر معاكم
منى : الله على الحداااگة
انا : وا بعدو مني
بقينا كانهضرو مع بعضياتنا و فنفس الوقت كانشقا وصافي قطعنا ومشيت جلست حدا جاد
جاد : راه غايبداو الدروس من دابا لشي نص ساعة سيري تبعي
انا : اوفففف مافياااااااش
جاد : وا سيري تقراي ولا غانوض ليك
انا : صافي هاني غادا
كمل جاد الخدمة وشديت انا البيسي بدينا الدروس حيت القسم اللي انا فيه كلشي كايقرا غير عن بعد تعرفنا على بعضياتنا عاد من بعد بينا كانقراو كملنا وقاليا جاد : كيفجاتك اول حصة ؟
انا : مزيااااان صراحة وهاد البنات والدراري اللي كايقراو معايا ضريفين
جاد : صافي دغيا درتي صحاب ؟
انا : هههههه صافي ماغانبقاش بوحدي فكازا غا سير تخدم فالجديدة
جاد : شنو ؟ لا والو رجلي على رجلك فينما مشيت نديك معايا
انا : ههههه ... كملتي الخدمة ؟
جاد : اه
انا : جاني الملل ما كاين ما يدار
جاد : يالاه ا حبيبة لبيتنا نوريك شنو نديرو
انا : هههههه وا حيد باعد مني ويلي
جاد : هههههههه نخرجو ا بب ؟
انا : يالاه نمشيو غا حدا البحر نبقاو جالسين مابغتش نمشي لشي كافي ولا لمول
جاد : اوكي يالاه نلبسو ونمشيو
