صافي نضنا لبسنا و تقادينا و خرجنا شدينا الطريق لكازا حيت بغينا نشريو حوايج جداد قرب يدخل الشتا و علمنا حتا كمال و ايمان و منى ومنير باش يجيو ايلا بغاو . مهم مشاو الصديق و سلمى و معاذ و عبير فطموبيل و أنا و جاد بوحدنا
أنا : جااد دير موسيقى
جاد: هههههه انا ندير ليك الأغاني اللي كنتي كاتسمعي ليهم فالصغر
انا : اينا هما ؟ ( جاد شاف فيا و هو تايضحك وخدم أغاني جاستن بيبر و وان ديركشن )
جاد : هههههه كانو عزاز عليك فالصغر
انا : هههههه آه بزاف خصوصا زاين كان هو الكراش ديالي حيت مسلم زعمة
جاد : بحالا انا يهودي زعمة
انا : جاد ؟ كيفاش تا ولينا هكا ؟ كنا مفاهمين فالصغر و كنا ديما مع بعضياتنا و كنتي كاتخرجني معاك كتر من سلمى
جاد: انا باقي هو هو نتي اللي تبدلتي ، وراه لدابا مازال كانحاول نعطينا فرصة و نبين ليك بلي كانبغيك و بزاف الحوايج ولكن نتي كاتجاهليني علاش ؟
نهى : جاد انا ماشي كانتجاهلك ولا كانرفضك ولكن كانقول ربما هادشي اللي كاتحس بيه غير حيت أنا مفروضة عليك ! كانقول هو ماكايبغينيش غير كايسحاب ليه را كانعجبو حيت ما عندو حتا شي خيار آخر [ جاد وقف الطموبيل ودار عندي )
جاد : نهى خاصني نقوليك شي حاجة
انا : وي ؟
جاد : نتي ما مفروضة عليا ما والو ، مللي مات الواليد حسيت بالدنيا ضاقت بيا و حسيت بلي تا واحد ماحاس بيا واخا سلمى ختي ولكن هي شخصيتها بحال الصديق ماشي بحالي . نتي اللي بحالي و لقيتك حدايا فاش مات المرحوم ، عاونتيني و عطيتيني واحد القوة باش ما نستسلمش . سمعتيني شي هضرة اللي تا واحد ما واجهني بيها! بحاال ملي دويتي ليا على الشركة و بلي خاصني نتحمل المسؤولية . ديك الساعة عرفت بلي أنا ضعيف ... كانبين القوة قدام كلشي ولكن نتي كانولي معاك واحد آخر ... نتي هي مصدر و منبع القوة ديالي و فينما كانحتاجك كانلقاك و ديما كاتعاونيني ... نهى أنا اللي مشيت عند عمي و جدي و طلبت نتزوج بيك وقلت ليهم ما يقولوش ليك أنا اللي بغيت باش نشوف واش غاتبغيني ولا لا ... وهاد الأيام الأخيرة عرفت بلي حتا نتي بحالي فبزاف دالحوايج وتأكدت بلي راك كاتبغيني من بزاف دالمواقف دكشي لاش قررت نقوليك هادشي
انا : جااد 😢 ( شديت ليه فإيديه و عيني فيهم دموع ) أنا ديما معاك و غانبقا ديما معاك وحتا أنا نتا هو مصدر القوة ديالي آ جاد و ما كانتحملش نشوفك كاتبكي ولا مقلق و أنا كانبغيك من الصغر ولكن كنت كانقول نتا ولد عمي هدشي مايمكنش من بعد مللي ولات هاد القضية ديال الخطبة ما قدرتش نعتارف حيت خفت يكون حب من طرف واحد خفت لا تكون كاتخرج ولا تهضر معايا غير حيت مفروضة عليك خصوصا مللي كنت ديما كانشوف عبير معاك كان يسحابلي كتبغيو بعضياتكم
جاد : سمحيليا حيت ما عتارفتش من لول كان خاصني نتأكد ...كانبغيك و بزاف
انا : حتا أنا سمحليا و مللي عرفت الحقيقة تانا كانقوليك كانبغيك 😢
جاد : شوفي ... هاد الخاتم كنت جبتو ليك نهار الحفلة و بقيتي غير حاطاه داك النهار دخلت لبيتك و خديتو باش ملي نعتارف ليك نديرو ليك فإيديك باش نوليو مخطوبين رسميا
أنا : آااااااااااه و كانقول شكون جااابو وينووو كيوت ... ولكن هاد العلامة اللي لداخل وسط القلب آش كاتعني ؟
جاد : J جاد و N نهى
انا : كيوت 😢 شكرا 😘
جاد : آححح هادي هي أول كيس ديالنا ؟ [ بدا الطيلي ديال جاد كايصوني ] جاد : آلو ؟ ... لا لا مكاين والو صافي ها حنا جايين . [ قطع و شافيا ] هذا معاذ تخلع علينا مللي وصلو و مالقاوناش وراهم ... مشينا ؟
انا : ااه اك واخا مشينا
جاد : ههههه مالك ؟
انا : فرحانة بزاااف والله أخيرا هضرنا و تفاهمنا و حتا صحابنا فرحانين مع بعضياتهم ❤
جاد : أكثر حاجة كاتعجبني فيك هي هاد الاهتمام بالآخرين ... كاتفكري فكلشي و للراحة ديال كلشي
انا : هههه [ عنقتو من يدو و بقيت متكية تا وصلنا حنا و كمال و منى و منير و إيمان فنفس الوقت و شافوني متكية عليه ]
