جاد : مالك ؟
انا : غير فرحت حيت بصح الدين بالنسبة ليا حاجة مهمة ماكنتش عارفاك متدين ودابا زدت وليت كنبغيك كتر
جاد:حتا أنا ❤
بقينا غاديين الطريق كاملة وحنا كانهضرو فكيفاش باغين نعيشو وعلى أي أسس باغين نربيو ولادنا ولقينا راسنا مفاهمين فبزاف الحوايج وهادشي كايزيد يفرح وحتا ايلا ما تفاهمناش فشي حاجة كل واحد منا كايقنع لاخر بالعقل وبالنقاش ماشي بالغوات بلعكس النقاش مع جاد كان زوين و بعقلو لدرجة ما بغيتوش يسالي حيت جبدنا بزاف المواضيع ولكن بلا ما نحسو لقينا راسنا قدام الدار
جاد : وصلنا، يالاه را جاستن كايتسنا لفوق باش ناخدو السوارت
انا : اك بب يالاه
جاستن : Hey guys ( سلام )
انا :Hi how are you ? سلام لباس عليك ؟
جاستن : Amazing how about you ? بيخير و نتوما ؟
حنا : Yeah great
صافي تسالمنا خدينا السوارت وبدينا كانضورو فالدار
جاد : آش بانليك ؟ زوينة ياك ؟
انا : واعرة حمقاتني
جاد : شنو عجبك ؟
انا : شوف شحال مضوية والصراحة تا حاجة فيها ما غانبدلوها صافي عجباتني هكا عصرية
جاد : هي غير نبداو نفرشو ؟
انا : اه اه
جاد : هههه يالاه زيدي بعدا نخرجو برا نشوفو كيف دايرة
انا : اك ... واو لبيسين كبييير لا صافي انا حبيت هاد الدار حبيتها
جاد : ههههههه تا هي حباتك ... دابا شفنا كلشي مازال غير بيتنا نطلعو نشوفوه ؟
انا : وي يالاه
[الدار فيها 2 بيبان الباب القدامي وهو الدخلة ديال الrésidence كاتدخلي كاتلقاي جردة فيها الدراري الصغار كايلعبو والألعاب ديالهم وكاين للآباء فين يجلسو ... الجردة جات لوسط ودايرين بيها الديور مع كاتدخلي مع الاب الأمامي ديال الدار اللي مقابل مع الجردة كاتلقاي واحد صالون كبير على الليمن و عامر بشراجم كبار مضويين على الدار وعلى الليسر كاين فين نديرو جليسة صغيرة ومقابلة معاه الكوزينة وكاين طواليط ديال الضياف ... الوسط كاين دروج كايطلعو للبيوت واللي هما ثلاثة ... البيت الماستر اللي ديالنا فيه دوش و بالكون و خزانة دالحوايج عاد كاين بيت غانعطيوه للميمة والبيت لي بقا للضيوف ومشاركين نفس الحمام
مللي كاتمشي من ورا الدروج كاتلقاي باب زجاجي تما كاين لبيسين وعلى ليسر لباب الخلفي واللي حداه گاراج ]
انا : واو البيت كبير هه
جاد : صافي مزيان باش مللي نتخاصمو نبقاو فالتيساع
انا : علاه نتا معول نتخاصمو وتبقا معايا فالبيت ؟
جاد : ههههههه لا ايلا بغيتي تخوي ليا البيت هانيا
انا : امممم حلم حلم را نتا اللي غاتخوي
جاد : ههههههه صافي بب مايكون غا خاطرك ... صافي نتوكلو على الله ونبداو نفرشو ياك ؟
انا : وي وي الله يدخلها علينا بالصحة والسلامة
جاد : آمين ا بب ... يالاه مشينا ؟
انا : ههههه ما سخيتش بداري ... ولكن يالاه صافي
جاد : نمشيو نختارو لفراش ونرجعو راه السيد اللي مكلف عبر كلشي و كاتب لينا دكشي مقاد و بالقياس يعني دابا خاص غير نشريو
