انا:اووف اوكي!بيمن نبداو بيا ولا بيك؟
سلمى:بيك بيك آ ختي النهار و ماطال ونتي تحفظي نشوفو واش نفعك دكشي فشي حاجة ولا لا
انا:واخا غا سربي ..اري ليا اللابتوب ندخل لمسار
سلمى:اوكي هاكي..انا غادة نشرب(هنا بزوج بينا سكتنا دايرين فيها عايقات وتانضحكو ولكن هدشي غا جبهة را ميتين بالخلعة اه متأكدين باللي حنا ناجحين حيت واخا هاد الطيران را قرايات ولكن بغينا نعرفو شحال جبنا او واش هاد المعدل اللي غانجيبو نقدرو نديرو بيه دكشي لي باغيين ولا لا)
انا:سلمىىىىى 😭 (جات تاتجري) سلمى:ويلي ماالكي تاتبكي لا ماتقوليهااش مللي نتي سقطتي انا اش درت ؟ويلي قفرتها من عند الصديق
انا:آحي على قفرتيها من عند الصديق 😂 هاي هاي هاي على عصافير الحب ههه
سلمى:شتك كاتضحكي o.O آش كاين را دوختيني
انا:وارا نجحت را تانبكي بالفرحة هه عرفتي من ايمتا وانا باغة نعيش هاد اللحظة الحمد لله حفاظتي مامشاتش غير هكاك و وقفت معايا حتا صلاتي و دعائي باش جبت هاد النقطة😍 17.5 يا سلام هيهيهيه...يالاه زيدي نشوفوك نتي شحال جبتي 😈
سلمى:لا لا تال غدا...ولا اجي نشوفو باش نرتاح...لا واقيلة نبقا حايرة حسن ما نشوف الواقع المر..اوووف نهى عاونيني را تلفت 😭
انا:تي غا سكتي يا ربي السلامة على درية اجي اجي دخلي الكود انانشوف ليك غا سكتي را واخا تكاسلتي فاللخر را فالجهوي جبتي مزيان و راجعت معاك الدروس قبل الوطني راك ناجحة انا متأكدة سلمى: واخا عالله ❤ اري نكتب ... يالاه هاكي شوفي انا : ههههههه سلمىىى جبتي 16.38
سلمى:😨ربي ربي ؟ هههه يااااي نجحنا بزوووج 😂😂😂 واااو ههههه 😍 انا:ههههه فرحت بزااف والله (العائلة مللي سمعو الغوات جاو عندنا) جدي: مالكم ياك لاباس ؟ ( مشينا بزوج و تلاحينا عليه عنقناه) انا: واراااه نجحناااا هيهيي 😍 ماما : ريريريريري مبرووك ليكم آ بنيااتي فرحتوني خالتي نادية (مامات سلمى و جاد):مبرووك لييكم واللاهيلة تستاهلو ❤ بابا:ايوا بهاد المناسبة انا دابا غانعيط لجاد و الصديق و غدا نديرو ليكم حفلة (او شاف فجدي زعمة ياك موافق ؟تا هو بادلو نفس النظرة يعني راه وافق)سلمى:حفلة ؟بصااح؟ هنا فالدار؟ نقدرو نعرضو على صحابنا و صحاباتنا؟ انا:اويلي اش تاتقولي كيفاش صحابنا؟😂 جدي:ايوا غدا ديالكم عرضو على اللي بغيتو انا:ثااانكيو گرااندپاا😍
جدي:الله يخليكم ليا ديما مشرفيني
خالتي:يالاه زيدو تعشااو
انا:واخة آ خالتي،سلمى غا هبطي هاني جاية(خديت الپيسي دخلت ل1 الموقع من بعد تردد كبير ولكن قلت خاصني نتاخد قرار صافي صيفطت واللي ليها ليها من بعد و تعرفو علاياش داوية) المهم هبطت لقيت الدراري جاو جا عندي الصديق تايجري و عنقني قاليا مبروك قلت ليه مغسي و مشا ..كنت غادة للصالة فين مجموعين باش نتعشاو حتا جرني جاد لواحد القنت بقا تايشوف فيا وساكت وانا تانتسناه يدوي قاليا مبروك ومشا بفف هذا مالو يخخ على مسموم وعتني فيدي وبحالة خرجها من فمو غا بزز 😒
وحنا كانتعشاو بابا سول سلمى---> بابا : بنتي آش باغة ديري العام الجاي ؟
سلمى:آعمي انا ان شاء الله غانكمل فالايكونومي ونجي نتزاحم معاكم فالشركة هههه 😄 وشاف فيا جاد او وجه ليا الهضرة----> ونتي؟اش ناوية ديري؟
انا:امم انا؟ما باغاش نكمل ايكونومي حيت فكرة انني فبيرو مسدود عليا مع 4 الحيوط و يوميا نفس الروتين تاتمرضني ماكاتمثلنيش .. بغيت نمشي لإنجلترا ونقرا اللغة الانجليزية
الصديق:وشكون قاليك غاتمشي برا ؟ انا: وعلاش لا؟ ياك آ بابا ما عندك تا مشكل ؟ وحتا ايلا بغيتي تصيفط معايا شي 1 ما عنديش مشكل
جاد:انا بعدا ما موافقش انا:وانا ما سولتكش سولت بابا جدي:اييه شفتكم كاتفصلو وتخيطو غا راسكم نتا سكت خليها منها لباها .. ونتي تعلمي تحتارميه راه هو اللي غاتزوجي بيه سمعتي؟ انا:بصحتكم(مللي سمعت هاد الهضرة تسدات ليا الشهية واش كلمة 2 يجبدو ليا الزواج اوفف مرضوني!ياكما بغاوني نقرا تانعيا ونشد الركنة؟والله لا كانت ليهم)[طلعت لبيتي وصاوبت دي ماصك لوجهي و شعري باش غدا ما يبانش فيا العيا و كملت و دوشت و دهنت لحمي ولويت عليا فوطة خرجت وانا نلقا أبو عضلات فبيتي ماعرفتو آش تايدير كان عاطيني بالظهر]أنا:جاااد o.O آش تادير هنا خرج نلبس حوايجي
جاد:آ؟ كيفاش تلبسي حوايجك؟ ااه كنتي تادوشي بالصحة...المهم جيت غير نقوليك سمحي ليا على قبيلة وشوفي جبت ليك العشا باش ما تبقايش بالجوع أنا:مغسي بزاف..واش تقدر تخرج؟بغيت نلبس
جاد:واخة هاني غادي(جا قرب من جيهتي ورسم قبلة خفيفة على جبهتي انا تبلوكيت هذا مالو ؟ عاد الصباح كان غايطيحني بديك الخبطة)آه وقبل ما نسا لبسي شي حاجة طويلة راه ولاد خالتي جايين عندنا ونتي عارفة تا 1 ما فراسو البلان دهاد الزواج ديالنا بربعة من غيرنا
انا:امم؟اه لا اه صافي واخة غير خرج و سد الباب
(المهم درت ضفيرات فشعري ولبست كسوة كمامها بالدانتيل وفايتة الركبة او واحد الصندالة غا تاع الدار من بعد ما درت الكريمات دياولي و هبطت عند الدراري للجردة) سلااام مرحبا بمنى و منير صافا ؟
