انا : صافي اك يالاه نمشيو
مشينا للمحل ديال الأثاث ومولاه صاحب جدي دكشي علاش غاناخدو من عندو كلشي
جاد : عجباتك شي حاجة ؟
انا : عجبني كلشي ماعرفت ماناخد ولا منين نبدا
الحاج : هههه كلشي ديالك آ بنتي تخيري وتعزلي ليا مع راسك
جاد : وتكايسي على جيبي
الحاج : هههههه لاواه ا ولدي البنت مازال عروسة خليها تاخد اللي بغات هادشي فكر فيه قبل ما تنوي تزوج
انا : ههههههههه هاااا الله يخليك لينا آلحاج من ديما كاتجيي مع الحق
جاد : ههههه آودي هانية كلشي ديالها غير تفرح لينا و صافي
انا قلت بشوية : واصافي شش را كنحشم
الحاج : سمحوليا عندي شي شغل خاصني نمشي ها الدراري را موصيهم عليكم بسلامة وسلمو على الحاج
انا: مبلغ ا عمي ... هانتا شوف فالصالون الكبير غايكون بلدي مغربي 100% اك ؟
جاد : اهاه كملي
انا : والصالون لاخر نديرو شي جليسة بالفوتوي او وراه يعني ما بينو وبين الكوزينة تكون صال آ مونجي اك ؟
جاد : اه تانا كنت انقولها ليك
انا : صافي عجبوني هادو واللون ديالهم مفتوح زوين
جاد : اك يالاه دابا تختاري للبيوت
انا : البيوت دوك الجوج غايكونو سامبل فالبيض والكحل وحتا دكشي ديال الدوش تاعهم
جاد : وبيتنا ؟
انا : غايكون بحااال بيتي اللي فالدار لهيه
جاد : فالغوز ؟ متأكدة ؟ صافي واخا
انا : هههههه نن آ كنضحك اجي نديروه بحال بيتك نتا
جاد : ههههه صافي لي بانليك ولكن راه بيتي انا مظلم يعني فيه الوان غامقة
انا : عرفت اصلا ماما وبابا ما خلاونيش نبدل لون بيتي لشي لون غامق قاليك حيت انا بنت ولكن دابا ماغايلقاو ما يقولو أصلا داري 😍
جاد : هههههه صافي اك ... انا بانت ليا هادي زوينة
انا : صافي ختار نتا شنو نديرو فبيتنا
ختارينا كلشي وصافي خرجنا باش نتغداو وبانليا جاد غادي فطريق لمول
انا : انتغداو فالمول ؟
جاد : اه باش نديك تشري دكشي اللي باغا
انا : اينا شي ☺
جاد : قلتي لماماك كاتحشمي ... من نيتك ؟ حشمانة مني ؟
انا : وا صافي ياااه
جاد : يالاه شنو باغة تشري ؟
انا : خاصني جاكيط
جاد : اهاه وشنو تاني ؟
انا : والو صافي
جاد : عرسنا غدا او والو ؟ لاواه لاواه
انا : ياك دكشي شريناه ديك المرة
جاد : لا بدلت رأيي ما بقيتش باغي غير لكحل خاصنا نزيدو الألوان لاخرين
انا : ايوا صافي تانا انشري ليك شي حوايج ياك غدا غانتزوجو
جاد : كيفاش شي حوايج ؟
انا : تال ديك الساعة و تشوف أصلا را شريييييتهم اونلين تا يوصلو ونوريك
جاد : هههههه وينو كادو ياك ؟
انا : واااحد الكادو واعر
جاد : يكون باسل ندخل مك فشي حيط
انا : ههههههههه ... عبير كاتعيط ... الو عبير .. وي صافا ونتي ؟ .... اه مكنسمعكش حداك الصداع ... حنا فالمول غانتغداو ونرجعو ... بسلامة
جاد : اش بغات ؟ خاصاها شي حاجة ؟
انا : نن غير فاقت ما لقاتناش و كاتسول
