صافي خديت دكشي و خرجنا من تما و وراوني البنات الخواتم ضرنا شوية فكازا و هبطنا لكافي قدام البحر من بعد رجعنا فحالنا وانا نسمع ماما و خالتي كايصليو على النبي
أنا : ريريريريريري ياااااه شنو شنو ؟ تعرضنا لشي عرس ؟ آححح هوايشي فرحو هي غانشبعو شطيح ؟
جاد : هههههه تي تبتي لرض مالك هكا ؟ من صغرك ونتي تموتي على العراضات
انا : وا الماكلة و الجماعة و الشعبي راه كايعجبني هادشي .. وا قولو ليا آش كاين ؟
خالتي : عرضات علينا ختي دارت حفلة على قبل الخطوبة ديال ولادها منى ب كمال و منير بإيمان ومنها نيت فرصة نتعرفو على مامات كمال مزيان
ماما : تا حنا خاصنا نحتافلو بولادنا
انا : لا لا بلاش
سلمى : دوي على راسك آ ختي أنا بااااغة الخطوبة تكون الحفلة كبيرة و العرس أكبر
انا : ايوا صافي ديرو حفلة مع عبير و معاذ انا ماكانبغيش نتير الانتباه انا كانبغي غير نتعرض
جاد : ماباغاش نديرو عرس ؟
انا : الصراحة ماكايهمنيش دكشي المهم هو نشوف الناس اللي كانبغي فرحانين و صافي غير حفلة صغييييرة بيناتنا باراكة
الصديق : ايوا صافي دابا نعلم معاذ و عبير باش نديرو حنا وياهم خطبة وحدة و نتوما ما نعرضوش عليكم 😂
انا : هههههههه بلاش
معاذ : السلام عليكم
كلنا: وعليكم السلام
انا:[ نضت عنقتو و قلت] : صافا ؟؟ عبير لاباس عليها ؟
معاذ : لاباس الحمد لله
ماما : آجي ا وليدي شرب معانا أتاي
معاذ : واخا آ خالتي ضروري غير نساليو واحد الغرض انا والدراري و نجيو
انا: يالاه نمشيو را جدي خليتو كايتسنا فيكم لفوق في المكتب
جاد : يالاه آ الدراري ... نهى غير بقاي بلا ما تدخلي فهادشي خليك بعيدة حسن
انا: كيفاش ؟ منيتك آ جاد ؟
جاد : من بعد من بعد [ غمزني و مشا هو و الصديق و معاذ و من بعد جا حتا باباه طلعتو عندهم و هبطت كانتفرج]
انا : اوووووووف
خالتي : تي مالك غا كاتصوطي ؟
انا: ملييييييت آ خالتي بزاف
سلمى: ويلي مازال تا ما تزوجتو و بديتي كاتملي ؟ خوييينزة صافي
انا: سكتي سكتي هالعار .. آجي آجي نعيطو للبنات نشوفوهم آش كايديرو
عبير: وا فيييين آ العروسات
إيمان : ههههههه ولاااهيلة عروسات غانتزوجو دفعة وحدة
سلمى: وا قولو ليا فين وصلتو فالتوجاد ؟
منى : انا بعدا من داااك النهار تبعت الليزر باش نحيد الشعر من ذاتي كلها
عبير : بصااااح فين ؟ خاصك تدينا معاك
منى : آه صافي غير نكملو لاپيل نصيفط ليكم العنوان
انا: نوضو نوضو ت گعدو يالمزغبات انا عيطت ليكم باش نقوليكم فالحفلات ديال الخطوبة كلا وحدة فيها 2 ديال ليكوپل ياك ؟
سلمى : آه علاش
انا: واغا كانسول و بغيت نأكد عليكم عنداااكم تنساو سكينة عرضو عليها قبل الحفلة حيت هي بعيدة يالاه تقاد أمورها
ايمان: واخا شاف مايكون غا خااطرك
انا: ههههههه شاف ... عجباتني هاد شاف
سلمى: الصراحة جات معاك حيت ديما كاتكوني نتي المسيطرة 😂
عبير: ماعرت كيييييغادير مع جاد
منى: ههههههه فكرنا فيهم بزوج
انا: نوضو نوضو الله يمسخكم ... هاما الدراري هابطين آلبنات انا غانمشي باي
البنات: تصبحو على خير
