صافي دوزنا النهار عادي ولغد فقنا باش نمشيو للدار مشيت كاندق على جاد فبيتو : جاد نوض خلاص
جاد : بلاتي غير شوية راه عيان
انا حليت الباب ودخلت : مالك ؟
جاد : غير مع الخدمة وكانفيق بكري ولاصال عيت شوية
انا : ياكما نأجلو المشية لكازا حتا ترتاح ؟
جاد : لا خاصنا ضروري نمشيو باش نختارو الفراش وأصلا خاصني نشري شي حوايج على قبل بعد غدا
انا : علاش اش كاين بعد غدا ؟
جاد : من نيتك ؟ بعد غدا غانديرو العقد ديالنا
انا : اه هه نسيت ودورت وجهي
جاد : مالكي ؟
انا : لا والو
جاد : هههههههه مالكي مخلوعة ؟ ما تخلعي ما والو
انا : يخخخ على باسل يالاه نوض نوض لبس خلاص
جاو سلمى والصديق كايدقو على جاد فالباب
الصديق : جاد فيق ا صاحبي نهضر معاك
انا : نااااري غايشوفني الصديق قفرتها ومالابسينش مزيان غايفهم غلط
جاد : ههههه تي واش هبلتي ولا مالك جلسي لرض
انا : لا لا انا نتخبا ورا الباب ما تخليهش يدخل
جاد : هههههه ياه على هبيلة ... وي الصديق اطط نلبس وانا معاك
سلمى : واصافي خلاص را بغينا نمشيو
جاد حل لباب غير شوية وتكا على يديه وانا تخبيت ورا لباب وكنشوف فيهم من داك الفرق لي بين الباب و الحيط : وي ياك لاباس ؟
سلمى : بغيت نسافر انا والصديق وماغايخليناش جدي عاااافاك سير طلبو
الصديق : غادين نرجعو بعد غدا ان شاء الله
جاد : وا سير هضر معاه ا صاحبي را خطيبتك هاديك عادي بقاو تا شهر
الصديق : تا واش من نيتك نمشي نقول هاد الهضرة لجدي تجيه سكتة قلبية
انا كانسمع ليهم شوية بديت كانلعب لجاد فإيديه غير بغيت نعصبو وصافي كانطلع حتال عنقو بضفاري ونهبط ليديه
جاد : اه هه احم امم اه صافي هه انا نهضر ليك معاه
الصديق :مالك ؟
جاد : لا لا والو غا عيان شوية
سلمى : انا نمشي نفيق نهى نسلم عليها قبل ما نمشي
جاد : لا لا راه صباح هبطات للجردة ماكايناش فبيتها
انا : قوليهم يجيبو ليا معاهم شي طنجية من مراكش
سلمى : اواه انا كنت في الجردة مابانتش ليا مهم انا نهبط نقلب عليها بايبي انا نتسناك لتحت
انا: واقولها ليها قبل ما تمشي ... اوف هايا مشات
الصديق: لمهم هاني مشيت و سول نهى ايلا بغات شي حاجة نجيبها ليها معايا
انا : قوليه قوليه
مشاو وسد جاد الباب وقال : تي اش غانقوليه واش مصطية طنجية من مراكش للجديدة كي غاتوصل
انا : وا بغيت نذوقها آو
جاد : صافي تال هاد المرة ونديك تاكليها ... اش كنتي كاتديري قبيلة ؟
انا : امم ؟ هههههه ايمتا ؟
جاد : هانتي شوفي قمشتيني فكتفي
انا : هههههه وا صافي غا ضحكت معاك ياء
جاد : امممم ... واخا ضحكي خودي راحتك ولكن هاد الضصارة كاملة غانتفاهمو عليها
انا : يااااااه على بنادم حيد حيد خليني نمشي نبدل
جاد : هههههه يالاه سيري انا نتسناك لتحت
