گلسنا كانتعشاو وملي كملنا العشا كلشي مشا فحالو و مشيت انا و جدي للمكتب ديالو: گرانپا بفيت نهضر معاك جدي : أهلا بالعروسة و النوارة ديال الدار اجي ا بنتي خاصاك شي حاجة ؟ انا: قاليا جاد بللي هو اللي خطبني من عندك ... علاش ما قلتوهاش لينا ؟ و خليتونا انا و سلمى متيقين بللي هاد الزواج راه مدبر جدي : هضري غير على راسك ا بنتي سلمى را فراسها و انا اللي وصيتها ما تقول والو حيت عارفك عزيز عليك العكس و خفت ترفضي ولد عمك وانا اللي عارف شحال كايبغيك و زايدون فاش كانت غاتفيدك تعرفيه هو اللي خطبك ولا انا اللي خطبتكم لبعضياتكم؟ انا: بلعكس، غاتفيدني و فبزاف دابا ملي عرفتو هو اللي خطبني و كايبغيني ماكاين حتى سبب اللي نرفضو جدي: هاي هاي هاي على الكتكوتة ديالي كبرات وغاتزوج قبل من خوها اللي كبر منها انا : وا صافي ا جدي 😂 ... مهم جيت نقوليك بلي ما بقيتش باغا نمشي برا ... القراية اللي كنت غنقراها برا ندخل لأحسن مدرسة فالمغرب وصافي جدي: اللي بانليك آ بنتي و زايدون نتي غاتديري العقد السيمانة جايا يعني هادشي هضري فيه مع جاد من الأحسن انا : واخا صافي تصبح على خير انا نمشي نسولو جدي : تال الصباح الليل دابا غدا و سوليه انا : اه اه واخا ... بونوي خرجت من المكتب و كنت طالعة لجهة بيتي وانا نتلاقا مع جاد عنقني ودخلني لبيتو انا : يالاه نهبطو نجلسو حدا لابيسين جاد : البرد دابا انا: غير يالاه انا نهز هاد المانطة الجو زوين فالليل جاد : واخا يالاه .... هبطنا تكينا فواحد الجليسة ( بحال هادي 👇👇👇) و تغطينا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جاد : باغا تقولي شي حاجة ؟ انا : اه ، فكرت مزيان و بانليا عندك الحق ماغانمشيش لخارج المغرب غانبقا معاك هنا ولكن بشرط جاد : شنو هاد الشرط ؟ انا : المدرسة اللي تقبلت فيها غاتمشي معايا فينما كانت جاد : ما نقدرش نخلي الخدمة و نمشي، نتي عارفة انا اللي واقف على الشركة ولكن على قبل اننا غانسكنو بوحدنا انا غاندير معاك واحد البلان انا : بصاااح ؟ شنو ؟ جاد : عندي واحد صاحبي عندو مدرسة ديال Commerce فكازا ... ايلا بغيتي نتحولو تما و قراي فيها انا : صافي واخا انا نصيفط ليهم و ندوز l'entretien و ان شاء الله نتقبل و نتحولو تما بجوج ... و آش غادير فالخدمة؟ جاد : كازا بعيدة علينا غا بساعة و ساعتين ايلا طولاات گاع يعني الوقت اللي نتي كتقراي غانكون انا فالشركة و اصلا دابا بسباب هاد الفيروس اللي منتاشر مؤخرا كانظن الخدمة غاتولي عن بعد انا : أه بصح شنو سميت هاد الفيروس ؟ صراحة غا من الأخبار باينة كايخلع جاد : كورونا ... مهم نردو لبال لراسنا و غدا نعيط على الدري صاحبي قبل ما يتاخدو شي اجراء على الفيروس و يضيع ليك العام انا : صافي اك بب
