مشيت حدا البنات بقينا كانتفرجو شوية جاو حدانا جاد و معاذ و أنا كل مرة كاتخلعني شي لقطة وكانقفز جاد كايبدا يضحك ويعنقني ... شحال زوينين هاد التفاصيل الصغار اللي كايبينو لينا بلي واحد الشخص راه كايبغينا وباغي يحمينا ... المهم كملنا الفيلم وطلعات عبير لبيتها غاتنعس تما هي ومعاذ والبنات تكاو فالصالون وانا وجاد بقينا شحال كانهضرو عاد طلع لواحد البيت نعس وانا بقيت مع لبنات
صباح الخير ليكم كاملين فقت وجدت راسي فطرنا وأخيييرا جينا للدار طلعت دوشت و بديت انا و عبير كانقادو فالحوايج
عبير : ايوا ا ختي جمعي عليا حوايجك خلاص آو بغيت بيتي ليا بوحدي
انا: ههههههه واخا آ ختي انا من دابا ايلا بغيتيني نهز حوايجي لبيت جاد نهزهم
عبير: ههههههه لااا غا كانضحك والله ما نسخا بيك
انا: ياختييييي سكتي لا تسمعك سلمى را كاتغير عليا
عبير: ايييوا ماعندها ما دير راكي عزيزة علينا كاملين غير تصبر
سلمى: هانا جيييت ... فاش نعاونكم
انا: ههههههه سلمى واش كاتغيري عليا من جاد تاهو ؟
سلمى: مالي غانتزوج بيك ؟ لا لا 😂 انا كانغير غير من لبنات حيت كانبغي نبقى عزيزة عليك
انا: وغاتبقاي ديما عزيزة واش نتي مصطية؟ انا قلبي كبير يقدكم كاااااملين كوني هانية
سلمى: وينوووو ... اه حگاسمعت جاد كايهضر مع الصديق قاليه را صافي لقاو دار
عبير: اواااه دغيا ؟
انا: هااااد جاستن تبارك الله عليه قالينا نعاونكم تلقاو دار ودغيا لقاها
سلمى : شكون ؟
انا: صاحب جاد وفنفس الوقت مول المدرسة اللي غانقرا فيها
عبير: ااااه كان قرا مع جاد و معاذ
انا: يمكن ... مهم تاوحدة منكم ما تجي لداري يالاه تفكيت منكم ما تجيو عندي ما نجي عندكم
سلمى: هاي هاي غا خديتي الدري وبغيتي تقلبي علينا ؟ والله يا مك لا تهنيتي را كااايقولوها اللوسة سوسة
عبير: ههههههههههههه منين كاتجيبي هاد الهضرة ؟ انا بعدا مانجيش عندك أصلا غانكون عاد تزوجت ومشغوووولة
انا : هاااي هاي هاي على مشغولة هههههه سمعتي آ سلمى ؟
سلمى: انا تشغلت شحال هذا
انا: اويلي
سلمى : هههههههه حياتي كاملة وانا مخطوبة ونبقا بلا شغل ؟ بلا ما ديري فيها بريئة
انا : والله تا بريئة يالاه
سلمى : وينووووو 😂
عبير: صدمتينا ا سلمى
سلمى : ويلي ا كنضحك مهم مرة مرة لي بيتيز ولكن ماشي شي حااااجة
انا : ناري على لبعلوكة والله ويسمعك جاد تايدبحك
سلمى : سيري تخراي
عبير : هههههههههه صافي بردي غا كاتضحك معاك
