فقنا فالصباح وحنا عيانين حليت عيني كايبان ليا جاد ناعس بقيت كانشوف فيه وانا نوض غسلت وجهي وفيقتو قلت ليه : نمشيو لبحر ؟
جاد شاف فيا : اه واخا ولكن بلا ما تحاولي تلبسي المايو تاع داك النهار
انا : وعلاش ؟ 😍
جاد: بلا ما تعصبيني وندير بناقص لبسي شورتس وشي حاجة من لفوق
انا : امممم ايوا دير بناقص انا بعدا غااانعوم
جاد : كيفاش ايوا دير بناقص باغا تجربيني ؟
انا: وا شفتك تيقتي راسك سير باعد مني انا غادة عند خويا ... الصديق وااا الصدييييييق 😭
كلشي دار عندي والصديق جا كايجري : مالك مالك اش كاين ؟
انا: دوي معاه را بغيت نعوم وحبسني ... الصديق تقاد فالوقفة وشاف فجاد اللي گالس وكايشوف فالساعة وقاليا : بينك وبين خطيبك
الدراري : أووو
سلمى : اشهد يا تاريييييخ هدفف روعة روعة
وكلشي بدا تايضحك ... انا ما رضيتش وطلعت لبيتي وخبطت لباب هما كملو الضحك وخرجو جاد بقا مجبد لتحت وكايتفرج هبطت عندو وقاليا : صافي تفشيتي ؟ يالاه زيدي نمشيو لبحر
انا : لا غير سير نتا
جاد جا وجرني من يدي : واش غانلعب انا وياك قاش قاش هنا ؟ زيدي قدامي
انا : واصافي غير سير راه ما نقدرش
جاد : علاش ؟
انا: هكاك صافي
جاد : اااااه حگلك گالسة دمعي علينا من الصباح ولبارح باركة على الشكلاط هاك بلاك قوليا الوداد لاعبة
انا: ايوا دير بوق ... خرا تفو
جاد : نعام ؟
انا : ماشي عليك على زهري نهار سافرت تخطفت وجاتني ليغيگل تفو
جاد: زيدي نخرجو عندهم شوية
انا: شي يعوم وشي يتفرج فيه ... جاد بقا لور وبدا يضحك على تصرفاتها الطفولية و هو جاتو من الجنة والناس أنها ماعامتش باش تا واحد ما يشوفها وهي شبه عارية بصح كاين غا خوها والدراري ولاو من العائلة ولكن هو مايتقبلهاش
انا : البنات ؟ مالكم اويلي نوضو تعومو
منير : آهيا ؟ حنا گلسناهم بزز وهي كاتقوليهم نوضو تعومو ؟
كمال: شد علينا آودي خطيبتك
جاد : دوزي تگلسي
انا: توما بلاتي شفت معاذ والصديق ما هضروش ولاخرين اللي سيليباطير على خوه هضرو ... جاد آش فاتني ؟
جاد: انا نوض نعوم مع الدراري ما عنديش مع هادشي
انا: يااااك؟ اهاه تا هذا نظر ... ا دوك القحبات قولو ليا اش مافراسيش
سلمى: دابا نعيط على خويا أو نوريك شنو هي قحبات
انا: ههههههه وا غي ضاحكين 😚
عبير : يا ختي را البارح يوم لا ينساه التاريخ
انا: ربي ربي وا دويييو خلاااااص آااو
إيمان: هانتي البارح فاش كمال رجع من عند البوليس عيط للصديق وهو يقوليه هضر ليا مع ولد عمك يهضر مع ولد خالتو باش نخطب من عندو ختو
انا: دوختيني اويلي ... دابا هو عيط للصديق باش يهضر ليه مع جاد اللي غايهضر ليه مع منير باش يخطب منى ؟
منى : آه آه ا ختي 😍
انا: وا مبروووووك 😭😭 ياه شحال فرحت
منى: ايوا يا ختي لعقبة لشي ناس
انا: ايمااااان دابا بيناتنا حنا البنات واش ماكايعجبكش داك الصگع منير ؟
ايمان اللي ولات حمرة: وا شوية و صافي
انا: امممم شوية والله تا كايعجبها انا اللي كانعرف لهاد المصيبة هانتوما ديرو هادشي اللي غانقوليكم وها وجهي إيلا ما عتارفش ليها بللي كايبغيها من دابا لنهار نرجعو عكرو ليا .. آش كاين ؟معايا ؟
ايمان: يا ربي السلامة
سلمى: معاك
عبير: باسم الله
منى: على بركة الله
بانو لينا الدراري جايين وانا نبدا نضحك وغمزت البنات بداو تا هما كايضحكو
كمال : ضحكونا معاكم
انا: آويلي لا حشومة
جاد : مالكم ؟
انا: صافي صافي بلا ما تحكرو را إيمان كاتحشم
منير: كيفاش ؟
انا: اش كاين ا ايمان نقول ؟ ههههه صافي انا نهضر دابا واحد الدري داز من هنا وهضر قالينا عجباتني ديك البنت اللي دايرة زيف وايلا قبلتو عليا نجي نخطبها
منير: وآش قلتو ليه؟
انا: ايوا رزقها جاها ياك البنات ؟ قلنا ليه عطينا نمرتك نعطيوها للدراري راهم بحال خوتها وجي خطبها من عندهم والخطبة الرسمية غاتكون فالجديدة حيت حنا من تما(غمزت البنات باش يدويو ولقيتهم موجودات)
منير: آش كاتخربقو؟
منى: كيفاش كانخربقو رزقها جا تال عندها اش نديرو ويلي
عبير: والصرااحة الدري زوين وباينة فيه ولد الناس
سلمى: آه والله وتا إيمان باينة عجبها والله رتاحينا ليه والله (هاد الخرية ديما كاتغرقنا ماكاتعرفش تكدب غمزتها تسكت درت عند جاد و الصديق لقيتهم مصغرين عينيهم وكايتشاوفو يعني عرفوها كذبات مللي كترات من ديك والله وانا نوض وعيطت ليهم يتبعوني )
جاد : آش كاين تاني
انا: شوفو بلا كذوب حلفو تا تقولو الحقيقة
الصديق : واش حنا بعالك هنا ؟
انا : عيطو لكمال و معاذ دابا دابا بلا ما يعيق منير
الصديق : واخا اطط
جاد: نهى مافيك لا وجع لا والو ياك ؟
انا: لا لا الحمد لله ما فياش ( وابتسمت حيت عجبني الاهتمام اللي بين ليا)
جاد: لاياش كاتوجدي آ ديك المصيبة اش باغا ديري.
