الدري اللي كان صاحبي وخويا دا البنت اللي كانبغي گاع الصحف والمواقع تايقولو هادشي دكشي لاش البارح جيت عندك حيت نتي بنت عمو وكاين إشاعة بلي بيناتكم شي حاجة آش بانليك نديرو راسنا اونكوبل انا نعرف واش عبير مازال غاتسكت ولا غاتعتارف ليا بسباب الغيرة ونتي جربي جاد واش تايبغيك ولالا . انا: هاي هاي واش هادشي گاع طاري بلا مانعرف ؟ و انا حارمني تا من الشوفة في الدراري اه ولكن أنا شنو رابحة من هادشي حيت جاد كي كان تايبغيني كي لا راه غانتزوجو مفروضة علينا بزوج - معاد : اش بغيتي ؟ -أنا:اشبانليك بشراكة ؟ عائلتنا وعائلتكم النص بالنص منها نربحو فلوس ومنها الكراهية اللي بين العائلات ماتبقاش وزيد عليها بهاد القضية جاد و عبير غايتيقو بلي حنا مع بعضياتنا -معاد: آلالة الشراكة حسبيها داارت-انا:ربي يخليك -معاد: كيفاش القضية تاع مفروض عليكم تزوجو؟ -انا: انا و جاد و الصديق وسلمى عائلتنا مللي كنا صغار مقررين باللي غانتزوجو ببعضياتنا يعني الإشاعة بصح اذن انا وياك غانديرو راسنا اونكوبل قدام كلشي باش نتا تخلي عبير تغير وانا نعرف واش جاد باغيني بصح ولا راني مفروضة عليه باش نعرف راسي نكون معاه او نن ... اش بان ليك؟-معاد:اهاه واخة هه حسيت بالراحة مللي لقيت عقليتك هكا دابا أي حاجة نقولها ليك-انا:تانا والله عزيز عليا يكون عندي صحابي دراري ماشي بحال البنات النفاق وكترة العياقة...(جاو جاد و عبير عندنا)-جاد:معاد بناني؟-انا:اه هو مالك اش باغي؟-عبير:صيبافغي تبدلتي بزااف هه توحشتك (وعنقاتو انا نضت وشديتو من ذراعو زعمة غرت)-جاد:مالك نتي؟-انا:عادي ماي بويفرند وكانغير عليه-معاد:(ضحك وقال) جاد راه قررت نتناسب مع عائلة بن جلون (عبير صفارت راه كاتبغييه باينة فيها ولكن مالها تادير هكا؟وجاد تعصب)-انا:ايوا گلسو معانا...حنا تغدينا نگلسو معاكم شوية او نوضو نمشيو-جاد:فين غاديين؟-انا:للدار ياك ا بب؟-جاد:كيفاش للدار اش تاتقولي؟-معاد:غادي معاها لداركم قالت ليا بللي عائلتها بغاو يتعرفو عليا-عبير: يعني القضية بصح واش باغين تزوجو؟-معاد: وعلاش لا( وغمزني)-انا: المهم حنا غاديين دابا تهلاو-جاد:تاحنا غاديين للدار نوضي ا عبير راه الواليدة تاتسول عليك...مشينا للدار وكلشي مصدوم يصحاب ليهم عاودت لجاد غمزتهم عاد فهمو البلان صافي دازت عشية عامرة دراما شي كايشوف فشي وأنا رادة البال لا سلمى تفلت ليها شي كلمة حيت ماكاتعرفش تكدب ديما مزبلاها وهو يهضر جاد : معاذ؟ شنو سبب هاد التغيير وليتي كاتبان بعقلك
معاذ ضحك وتقاد فالگلسة وتعطل عاد جاوب ودار عندو قاليه: عرفتي ؟ داكشي اللي نتا كاتسميه تبرهيش ماندمتش حيت دوزتو حيت تا هو كايشكل واحد الفترة من حياتي تعرفت على ناس وتخاصمت مع ناس جربت بزاف دالحوايج اللي دابا نفعوني ... ماشي ضروري من اللول تكون مزيان اللي مهم هو تعرف شنو الأغلاط اللي فيك وتصلحهم وعاير راسك بيهم باش بنادم ما يلقاش منين يشدك...من ورا ما ماتت أسماء عرفت بللي الحياة قصيرة ونقدر نموت فأي لحظة جمعت راسي ومشيت كملت قرايتي برا وحضيت حتا الدين ديالي تفلااو عليا وعيت ديال بصح تما ولكن حيت ماكنت كانلقا تا واحد حدايا هادشي اللي ساعدني باش نزيد نقساح الحمد لله على كل حال أي حاجة فحياتنا دازت لسبب واخة تكون خايبة، الحياة بلا مشاكل مملة .
انا بقيت ساااهية وااو هذا بااينة دازت عليه ديال بصح : شنو طرا ليك تما؟ كاتبان دوزتي بزااف دالحوايج.
معاذ: وباش غاينفع ايلا عاودت ليكم؟ بلعكس اللي فات مات نعيشو اليوم ونوجدو لغدا ماعمرنا نرجعو اللور حيت التفكير فالماضي تايردنا بخطوات الى الوراء.
عبير درت عندها لقيت عينيها حمرين وكاتشوفيه يمكن هي عارفة آش طرا وشفت فجاد لقيت واحد الدمعة هبطات ليه وانا نحس بغصة فقلبي حيت جاد من النوع اللي ماتايبينش المشاعر ديالو وبقا فيا بزاف مللي شفتو هكاك حطيت يدي على فخدو: جاد لاباس ؟
بقا تايشوووووف وقال: معاذ حنا عمرنا نسيناك انا وعبير بقينا كانقلبو عليك ولكن نتا غبرتي ... أسماء كانت عزيزة عليا بحال ختي وداك المجرم اللي قتلها راه تشد ونتا دكشي اللي طرا ليك تما والله ما عندو علاقة بينا أنا متأكد غير شي عصابة وحيت نتا مسلم ضربوك العنصرية هي السبب أما أنا راك عارفني عمري كانغدر ( طاحت ليا دمعة على يدي درت وانا نشوف معاد تاهو كايبكي حنا كنا بربعة فواحد البيت شوية دخل الصديق وسلمى شافوهم هكاك والصديق عرف القضية دأسماء بدا تايسكت فمعاد حيت الحاجة اللي ماقالش ليا معاد هي أن أسماء كانت ختو وعلى ما فهمت قتلها شي واحد بغا يشفرها وتشد ومعاذ طرا ليه نفس البلان برا ولكن وقف معاه الله وهو تايسحاب ليه را عائلتنا بحكم أن بناتنا مشاكل)-انا: معاذ؟ واش ناوي تنتاقم من عائلتي بيا؟ علاش بغيتينا نوليو صحاب؟ هضر ! راني مافاهمة والو شنو بيناتكم نتوما ؟ -جاد:نتوما غير صحاب؟ -معاذ: لا والله أنا مشكلتي مع جاد ولكن شحااال هذا كنت حاقد عليه ولكن أنا عارفو هو يدير أي حاجة إلا انه يقتل شي واحد بريء -الصديق:الدراري اجي نساو هادشي ونرجعو كيف كنا فاللول راه والله ما دايم لينا شي واحد من غير بعضياتنا آش بانليكم؟ -جاد: مازال واحد الشخص ماعتارفش -انا: شكون؟ -عبير: معاذ نوض نهضر معاك (مشاو خرجو للجردة يهضرو ودار عندي جاد ) نتي شكايسحابليك راسك خارجة هكا وقاليك يتناسب معانا واش تصطيتي ؟ -راه غا كنا ضاحكين (قالها معاذ وهو كايضحك درت نشوف لقيتو معانق هو وعبير عتارفو بلي كايبغيو بعضياتهم وهي كانت باغا تقولها ليه ولكن حيت مشا برا مابقاتش لقات كيف دير وكانت ديما مع جاد حيت كايبغيو يقلبو عليه زعمة) أنا: ايوا هالبسالة تلاقاو غا ليكوپل ها سلمى والصديق ها عبير ومعاد وأنا( شفت فجاد) ليا الله وهو يقرصني جاد بقاو تايضحكو علينا ومعاذ قال للدراري باغي يدير شراكة حيت قنعتو فرحت حيت شروطي غاتنفذ صافي دازت عشية زوينة شديناهم تعشاو معانا ومشاو . أنا طلعت لبيتي بدلت حوايجي لبست بيجامة هزيت الطيلي كانلقاهم دايرين غروپ فالواتس و بيان سيغ الصديق و سلمى هما ماليه دخلت لي مومبغ لقيت انا جاد عبير معاد الصديق سلمى منى منير كمال وإيمان ،لقيت كلشي تايهضر إلا جاد و معاد أصلا هادوك ما عندهمش مع هادشي دكشي لاش سولت: لاش دايرين هاد الغروب و مدخلينهم ليه
سلمى: أهلا آ حبيبة توحشتك فين غابرة .
انا: سيبعدي مني ونتي غا لاصقة فيا آش باغة ولاش هاد الغروب ؟
منير : راه الصيف هذا و بغينا نسافرو دكشي لاش درنا الغروب باش نمشيو كلنا و نتافقو ايمتا و فين
إيمان : آه مزيان والله نيت شحال هذا ما مشينا لشي بلاصة مجموعين
منير : انا عاارفك توحشتيني آ زين
انا : بديتي تاني آلمسخوط 😂
منير : هاهاها ا غي ضاحكين
كمال : منى تا هي غاتجي ؟
منير : علاش كاتسول ؟
منى : اه اه غانجي
كمال : لا غير حيت ماهضراتش وانا نسول
انا: يالاه نخليكم دابا غانمشي نعس باي .
كلشي : بونوي .
صباح جديد وخيوط الشمس الذهبية فيقات نهى من النعاس ناضت بزز غسلات وجها وحكات سنانها ومشات هزات واحد المايو دو پياس وفوق منو لبسات شورتس و واحد الطوپ فالبيض ونزلات كاتفطر غا بوحدها حيت الناس فاقو بكري قبل منها وكلا واحد مشا يقدي شغلو مللي كملات مشات لپيسين حيدات الحوايج وبقات بالمايو وتلاحت كاتعوم .
لميمة ( المراة اللي كاتعاونا فالدار ومربيانا كاااملين ) : الله آ بنيتي الله غا بشوية لا تغرقي .
انا: ويلي آ لميمة واللاهيلة عومة يا سلام آجي عندي آ جي
لميمة: لاواه آ بنيتي عندي شلاا ما يدار ... شوية جاد جاي كايتسلت من لور وغمزني باش نلاهي الميمة ومع جا يدفعها هي خوات بيه ودفعاتو من ضهرو وتلاح فالپيسين ... الميمة : هاي هاي هاي على البعلوك شحال وكلتك و شربتك و ديتك تخرا فالطواليط ودابا جاي تلوحني را داك الجامع اللي قريتي فيه أنا اللي بنيتو
انا : واناااري آ زمر انموت بضحك 😂😂😂😂 شو كيف دارت ليك بقات فالطولة اوووف ا سيدي ربي ههههههههه لا برافو برافو ا ميمة راك كاينة
لميمة: ا ديك شنيولة والله لا بقات فيك ونتي شفتيه وساااكتة غا بلاتي ما نساهاش ليك
جاد: صافي ا لميمة شوهتينا ... هههه زيديها را ضسرات ... بقينا شحال كانضحكو و مشات لميمة
انا: يالاه واسير خليني نعوم
جاد: ايوا عومي مالي حابسك ؟
انا: واراه ماكانعرفش ندير الحاجة ايلا عرفت شي واحد حاضيني
جاد :صافي هاني غادي نبدل
انا بقيت كانعوووم ونلعب فالما ونطلع ونعاود نتلاح حتا جا جاد تاني بشورتس تاهو بدا كايعوم حدايا بقينا شحال واحد الشوية عيت ما بقيتش قادرة ندرع وأنا الوسط شافني جاد وجا هزني وبقيت كانتنفس وداني الحاشية و وقفنا وهو مازال شادني بقيت كانشوووف فيه أول مرة كانلاحظ الملامح ديال وجهو
انا: اوف شكرا
جاد: هههه ماشي مشكل
انا: علاش تاضحك ؟
جاد: والو غير دابا عاد عرفت علاش كنتي تاضلي فلا صال
انا بدون جواب و طلعت حاجب بمعنى مافهمتش
جاد: وا ربييييتي آ بنت عمي واخا كاتباني ضعيفة راك هازة
انا: ويلي ويلي سير باعد مني خليني نمشي فحالي هذا تصطا ... حيدت ايدو من خصري و فخذي وطلعت ناخد الفوطة وهو يقول والله ما كذبت انا ألوان الطيف ولاو فيا و طلعت ومازال كانسمع الضحكة ديالو.
مشيت لبيتي دوشت ودرت سيروم لشعري وخليتو ينشف بوكلي ومشيت لبيت سلمى .
انا: ياختي على ملل يخخخخ
سلمى : وايييييه غا سكتي
انا: فين وصل بلان السفر ديالنا مجموعين ؟
سلمى : آه حگا مزيان اللي فكرتيني ليوم السبت ياك ؟ ايوا الجمعة جايا غانعرضو عليهم كلهم ياكلو كسكس ويباتو عندنا ونشدو الطريق الصباح بكري
انا: آه مزيان ان شاء الله ولكن فين ؟
سلمى: جاد قالينا الداخلة
انا : حلفي حلفي ؟ ناااااري والله تا فرحت يااااس 😍
سلمى : تا واحد ما عجبو الحال من غيرك نتي وياه كلشي بغا يمشي للشمال
انا: ايوا سيرو للشمال و انا وياه نمشيو للداخلة
سلمى : هاي هاي القلب بدا يحن ؟
انا: نن عادي غا قلت
سلمى: حگا بما أننا جبدنا هاد الموضوع الصديق قاليا كمال عجباتو منى وهو مول الفكرة تاع نسافرو كلنا باش كلنا نوليو مفاهمين
انا: أواااااه الصراحة يجيو مع بعضياتهم هي عقليتها متفتحة هو اللي يجي معاها ... انا بان ليا منير عاجباه إيمان ولكن ماباغيش اعتارف
سلمى: وآه راه قالوها ليه الدراري نهار الحفلة وقاليهم ماشي منير اللي طيحو بنت ما كيرضااااش زعمة
انا: شفتي أنا غانقاد ليهم كلهم بلانات فهاد الخرجة وما نرجعو تايكونو كلهم عتارفو لبعضياتهم
سلمى : وا فكي غا حريرتك بعدا عاد شوفيهم هما
انا: ضروري تحطميني ؟ ... بقينا كانضحكو ودرنا واحد الفيلم نتفرجو فيه حتا داتنا عينينا الدار بغاو يفيقونا نتعشاو وملي شافونا ناعسين خلاونا .
دازت سيمانة عادية غير الخروج ولابيسين ولاصال و ما كنتش كانشوف جاد و الدراري بزاف حيت بغينا نسافرو آلوغ هاد السيمانة اللي خدام دوزها غا خدمة واللي كايقرا دوزها غا دروس باش تا واحد ما تفوتو شي حاجة وأنا و البنات نهار الخميس مشينا للكوافورة درنا لاسيغ كلنا و هما قادو حجبانهم إلا أنا و إيمان عمرنا قسناهم صافي رجعنا للدار ديك الليلة أنا والبنات حيحنا مشينا للجردة بقينا نتحدتو ومن بعد طلعنا نعسو مابغاوش ينعسو فبيت الضيوف هجمو عليا فرشنا و نعسنا كلنا فالأرض .
وأخيييرا نهار الجمعة جا 😍 فقنا أنا والبنات لبسنا گنادر وكل وحدة باش تكلفات سيقنا الدار وجففنا وجمعناها و طلقنا البخوور ❤ الله شحال تايعجبني خصوصا فبحال هاد المناسبات تاتعجبني الجماعة على كسكسو بداو كايجيو الناس جا معاد و باباه منير وواليديه هو ومنى و بابات كمال اما ماماه عاد غاتجي حيت كانت فبلادهاو مشا تلقا ليها فمطار كازا واليدين ايمان و خوها و مرتو وأخيرا واليدين عبير.
البنات مشاو سلمو على عائلاتهم و كترات الهضرة فالدار و الضحك كلشي فرحان وعلاش لا والعائلة والحباب مجموعين حطينا أتاي والحلاوي الرجالة مشاو يصليو وحنا گالسين تا واحد ما سلم من نميمتنا 😂 صافي جاو وتغدينا وكلشي فرحان وتسالمو مع عائلاتهم على قبل السفر ومشاو لديورهم بدلنا حوايجنا ونعسنا ... فقت مع 5 صليت الفجر ولبست حوايجي فيقت عبير و إيمان كانو ناعسين حدايا أما منى كانت حدا سلمى دقينا عليهم فيقناهم ومشات عبير فيقات معاد و سلمى دقات على الصديق ناض فيق كمال و منى فيقات خوها هبطنا نفطرو وتفكرت جاد: اويلي غايمشي علينا الحال عاد تفكرت جاد سيرو فيقوه
الصديق: لا ما نسيناهش غير داك الرعدة ما نقدرش نوض نفيقو لا يولي ضاربني
معاد: هههههه والله ما كدبتي يا خويا كايفيق مقندش
انا: وارا غانتعطلو صونيو ليه !
سلمى: لا لا ما نصونيو ليه ما يصوني لينا
انا: تفو على گنس خواف انا نوض نفيقو
طلعت على وعدي وسعدي عيت ما ندق او والو السيد بحالا مغيب وانا نقوليه هاني آندخل صافي ؟ .... لا جواب . حليت الباب و دخلت ضرباتني ريحتو اللي تايدير ديما وكاتعجبني طااغية على البيت وانا نحل الريدو مشيت كانفيق فيه وجرني تا وليت حداه
انا: جاد نووض راه غانتعطلو طلق مني
جاد: اممم واخة يالاه بوسيني ونوض
انا: شنووو؟
