انا : اوكي
جاد : سمحتي ليا ؟
انا : و ديك خيتي منين كاتعرفك ؟
جاد : واحد البنت كانت غير friend وكنا كندوزو بزاف الوقت مع بعضياتنا ساعة مللي جينا هنا طرا واحد البلان و مع انا كنبغيك نتي و حتا هي عارفة هدشي قررنا ما نبقاوش صحاب حيت ايلا طولنا غانصدقو غا فالمشاكيل
انا : اينا بلان طرا ؟
جاد : كان غايتزاد عندي ولد
انا : اويلي ؟
جاد : ههههه والله
انا : شفتك كاتضحك من نيتك آ جاد ؟ تا واش غاتسطيني ولا شنو ؟ حيد باعد مني اويلي تاااال نهار اللي غانديرو العقد عاد عرفت هدشي؟ و غير بالصدفة ... ما كنتيش ناوي تقوليا هدشي ؟
جاد : لا كنت ناوي ليوم نعاود ليك كلشي مللي نرجعو للدار غير ديك الزمرة سبقات الأحداث و صافي
انا : اوفففففف و شنو طرا لدكشي اللي كان فكرشها ؟
جاد : مشات حيداتو بلا خباري
انا : و نتا اش كنتي غاتدير كون بقا ؟
جاد : الفترة اللي انا وياك مابقيناش فيها صحاب و بعدت عليك هاديك هي الفترة اللي كانت جوديث حاملة
انا : جوديث ؟
جاد : اه نسيت ما قلتش ليك هي أمريكية
انا : كنتي ناوي تزوج بيها ؟
جاد : انا كنبغيك نتي و هي عارفة هادشي و عارفة بللي مايمكنش عائلتنا يقبلو انني نتزوج عليك ولا نتزوج بوحدة ماشي مسلمة خصوصا انها حاملة مني بلا زواج دكشي لاش تصرفات من راسها و حيداتو
انا : كون عطاتو لينا نربيوه ... زادت راسها ذنب على ذنب
جاد : نربيوه ؟ كاتهضري بصح ؟
انا : اه ا بب ... ولكن جمع جمع رجليك نتا غا غادي و كاتوزع فالدراري تا مالك ؟
جاد : مهم هادشي را شحال هذا
انا : هذا هو السبب الوحيد اللي مخليني صابرة وساكتة غا حيت شحال هذا
جاد : اصلا راه انا وياك ما كناش زعمة بحال دابا كنا كنبغيو بعضياتنا هي فين خطبتك من عند جدي و من بعد بديتي كاتكبري و جاب ليك الله بحالا را ماكانحملكش و بعدتي عليا و واخا هكاك كنت كانبغيك و متأكد بلي حتا نتي كاتبغيني غير ما مفاهمينش
انا : او واخا كتبغيني خنتيني
جاد : سمحيليا
انا : تعقل شنو طرا فالداخلة ؟ مللي لقيتي الأثار ديال يدين داك المجرم فلحمي ؟ ما كرهتيش تقتلني و ما تخلي تا واحد يقيسني ياك ؟ و علاش نتا مشيتي و قستي بنات اخرين ؟ كيفاش قدرتي تكون مع بنات اخرين و انا خطيبتك ؟ واش عارف بلي بهاد التصرفات طيحتي من قيمتي قدامهم ؟
جاد : جوديث هي الوحيدة اللي ما كناش دايرين حدود حيت من النهار اللول قلنا بلي غير غاندوزو وقت تافقنا بلي انا كنبغيك نتي و هي غير كاتفلا حتا تسالي العطلة ديالها و ماعرفتها حاملة تا مشات لبلادها دكشي علاش قدرات طيحو حيت انا بعيد عليها و حيت تما عندهم عادي
