سلمى: وهادشي فخبار جاد ؟
انا: والا مافخبار تا واحد
الصديق يالاه دخل وقال: هبطو تعشاو
حنا: واخة
هبطنا نتعشاو بان ليا كلشي مجموع وانا نهضر : احم بابا بغيت نهضر معاكم
سلمى كاتغمز فيا باش نسكت ولكن انا اللي كاين كانقولو
جاد: آش كاين مالكم تغامزو لينا هنا
الصديق: وا سبحان الله هضري خلاص
انا: بابا ديك المدرسة راها قبلاتني
جاد : ايوا مبروك ... اينا مدرسة وفين ؟
الصديق : كون درتي غا لافاك حسن والله
انا: ففرنسا
جدي: الله يسهل عليك آ بنتي
جاد والصديق : كيفاش ؟
انا: آمين ❤
بابا: راه بنتي لينا درتي عقلك وهضرت مع جدك دك النهار بزز باش قنعتو
جاد: عمي من ديما وانا ساكت ليكم ولكن هادي اللي ما غاتكونش ... تصبحو على خير
انا: تصبحو على خير
مشيت لبيتي شوية تا سمعت الدقان حليت ولقيتو جاد : نهى ندويو؟ أنا: وي ياك لباس؟ جاد: واش بصح باغا تقراي برا ؟ علاش شنو ناقصك هنا ؟ وايلا كنت أنا خانقك كانواعدك غانتبدل غا ماتمشيش . -انا: جاد مالك؟ جاد: حنا أصلا بعاد على بعضياتنا ونتي غاتزيدي تبعدي كيغانديرو؟ واش ماكاتغيريش من البنات؟ علاش كلشي مفاهمين إلا حنا؟( تم جاي كايقرب ليا وانا نشم بحال ريحة الشراب) انا: ويلي سكران؟ حگلك وليتي حنين 😂 جاد: ايوا راه كانسكرو كانبداو نعتارفو انا: جاد راني حافظاك بلا ما دير السبة بالشراب نتا أكتر واحد ماتايشدش فيه هاد الويل ( شد ليا فإيدي وقاليا : اجي نديرو عقلنا انا عارف راسي قاصح وكانظلمك ولكن غانتبدل غير بقاي أنا : صافي واخة إن شاء الله ولكن أحسن بوسط فالشركة تعطيه ليا را أنا كنت باغا نمشي باش ندير مستقبل ماشي نجيب راجل ( دخلت علينا خالتي نادية : نهىىى .. آء 😳 سمحوليا وسدات الباب ) أنا جريت على جاد حيت كانحشم من هاد المواقف أما هو را سكرااان بقا تايضحك ويقوليا صافي ياك كانبغيك وغانتزوجو وانا كاندفع فيه بحالا كندفع فشي حيط وتانقوليه راك ماعارفش اش كاتقول جا يدفعني وانا ندورو صدق ناعس فوق ناموسيتي كنفيق فيه ما بغاش ينوض مشيت لبيتو لبست ليه البيجامة بدلت تا أنا ومشيت نعست فبيتو .
~~عند جاد~~
واخا كنت متكي ولكن فايق وعجبني الحال مللي هتمات بيا وبدلات ليا حوايجي واخا عذبتها ولكن مشات انا بغيتها تبقا آه كانبغيها وكلشي عارف هادشي وكيفما الصديق هو اللي تقدم لسلمى أنا اللي طلبت جدي يزوجني بنهى وهو قاليها بللي هو اللي قرر هادشي غير باش تديها فقرايتها حيت مازال صغيرة .
فقت فالصباح راسي دارني مشيت وانا عيني مغمضين لبيتي وللدوش وأنا خارج كاتبان ليا نهى ناعسة بحال شي ملاك من صغرها وهي كيفما كاتنعس كاتبقا هكاك تال الصباح ونعاسها خفيف دكشي لاش لبست حوايجي بالشوية وغطيتها حيت تعرات مشيت لعبت ليها فشعرها اللي كايعجبني بزاف و بستها في فمها بلا مانحس مشيت تأكدت من الفطور واش واجد وفيقتها حيت حلفت عليهم تا واحد من غيري ما يبقا يفيقها باش نبقا ديما أنا اللول اللي كاتشوفو فكل نهار وحيت هي كاتخاف مني غاتنوض بزز النعاسة.
~~ عند نهى~~
فيقني جاد نضت دايخة عاد تفكرت اش طرا لبارح بقيت نضحك قاليا مالك بديت نطنز و قلت ليه ماكنتش عارفاك كاتبغيني لهاد الدرجة وهو يقوليا وكتر گاع أنا: شنو؟ هو : هههه نوضي بدلي حوايجك وزيدي يالاه نفطرو ... مهم بدلت حوايجي دغيا وغسلت وجهي خرجت لقيتو كايتسناني هبطت لقيت غا ماما وخالتي وسلمى والصديق وكايشوفو فينا وتايضحكو مافهمت والو صافي فطرت وبقينا غا حنا رباعي الخطر شي تايشوف فشي شوية جاو معاذ وعبير وتايضحكو تاهما وقالو لينا مبروك انا: مالكم؟ مافهمت والو علاش من الصباح ونتوما كاتشوفو فينا ومبروك آش؟ سلمى: واصافي البارح كلشي سمع الهضرة ديالك نتي وجاد راه ملي تايسكر صوتو كايبدا غايجعوق بيه انا: ويلي كنا غا تانهضرو عادي جاد: بلاتي انا ماعاقل على والو ... آش قلت؟ انا: ههههههههه شنو ما قلتييييش ماشي اش قلت راحت الهيبة راحت الصديق: قلتي ليها كاتبغيها وقلتي ليها ماتمشيش تبعد منك وبلي ماغاتبقاش قبيح معاها جاد: صافي ريحو مزيان اللي غا نتوما اللي سمعتو هادشي انا: آه ولكن راه الشوهة يا قيس الغفلة معاذ: ما شوهة ما والو را كلشي قدامنا غا نتي مكلخة انا: بزااااف عليك گالاه مكلخة الصديق: هاوا معاذ ماشي بزاف باش هو معانا وعايق بكلشي نتي دماغك فيه بونجة ؟ انا: بعدو مني انا باغة غا ناكل جاد: مافهمتش كاتاكلي بزاف ودايرة بحال هكا ياكما مريضة سلمى: مامالهاش غير حيت كاتمشي لاصال الصراحة هكا حسن جاد: واش هادي فورمة وحدة فاتت الباك الصديق: واعادي آلساط المهم نتا كاتبغيها كيفما هي كلشي:اووووووو أنا: مافهمتش واش تاتهضرو على سلمى ؟ عبير: والله تا مكلخة كولي كولي ونوضو نمشيو نخرجو انا: ههههههه تانتي آ عبير؟... نخرجو ؟ صافي شبعت يالاه
