انا : ايوا يالاه ا بب نمشيو ... شنو هاد الريحة ؟
جاد : اينا ريحة ؟
انا : انشوف ... هادي ريحتك خايبة ما عجباتنيش
جاد : ياك هادي الريحة اللي كاتعجبك ؟
انا : ماعرت ضراتني فراسي و خنقاتني ... مهم يالاه نمشيو خلاص
جاد : واخا بب
شدينا الطريق ما كاملاش ساعتين أو وصلنا
انا : هاااااااااناااااااا جيييييييييت
الصديق : صبحنا عالله تاني
انا : ياك ؟ 🥺
الصديق : صافي ا كنضحك علاه شحال من ختي عندي ؟ اجي اجي 🫂
بقينا كنتسالمو مع كلشي لقينا كلشي مجموع وكلشي فرحان حيت تجمعنا تاني
جاد : نهى ؟ حبيبة شفتك نسيتيني
انا : علاش ا بب ؟
جاد : وا مابقيتيش عقلتي عليا مللي شفتي البنات
سلمى : ااااااه مسكين غار 😂
معاذ : نهار على نهار كنكتاشف حاجة جديدة
كمال : ههههههه تا كيفاش هادشي ؟ تا توگض معانا ا صاحبي
انا : ويلي بعدو ليا من زوجي واش ما بقا حد يغير على مرتو ؟
جاد : غير خليهم مساكن مع مازال ما تزوجو ما فاهمين والو
ايمان : هههههههههه عطيهم
منير : نتي معانا ولا مع غانا ؟
منى : هي معاك غا نتا
بقينا مدوزين نهار كامل ضحك او وراتنا سلمى القفاطن اللي غاتلبس و قالت : نهى ختاريتي شنو تلبسي ؟
انا : لا مازال علاش ؟
سلمى : شوفي لبسي الزرق ملكي
انا : ايييه واخا
سلمى : و نتوما لبسو لغوز
انا : علاش انا زرق و هما غوز ؟
سلمى : حيت نتي مزوجة غاتلبسي بحال راجلك
انا : وا بغيت تانا نلبس الغوز
سلمى : وا أنا العروسة ماشي نتي
عبير : ويلي مالكم وليتو بحال المش مع الفار ؟
انا : وا حيت غاتكونو كلكم بحال بحال وأنا لا 🥺
سلمى : وا صافي ا نهى عادي عافاك ديري ليا خاطري
انا : صافي صافي ديرو لي بغيتو انا طالعة لبيتي
ايمان : اويلي اجي من نيتك ؟
منى : واش غاتقلقي من حاجة بحال هادي ؟
عبير : ما مولفاش ليك ا نهى
سلمى : وا اجي جلسي
نهى : نن صافي غا خليوني والله حاسة بالعيا بزاف و كيضرني ظهري غير نرتاح و نهبط عندكم
