انا : ما بقيت فاهمة والو انا والله حسيت براسي بحالا ف شي فيلم ... بابا و جدي فراسهم هادشي ؟
جاد : اه فراسهم
انا : وشكون عارف تاني ؟
جاد : غا هما و الدراري...حبيبة كنتيق فيك ما تقولي والو للبنات و خصوصا سلمى خوافة و دابا عرسها غادة غير تخلع
انا : صافي بب كون هاني ... اوففففف
جاد : مالك ؟
انا : ماكانحسش براسي مزيان والله ظهري تقيل عليا
جاد : غدا يالاه للطبيب
انا : وي دكشي اللي بانليا تانا
جاد : يالاه زيدي نوريك واحد الحاجة
انا : جبتي ليا كادو ؟
جاد : اه راه الفوق فالبيت
انا : يالاه يالاه وريني 😍 ... اويلي فين الكادو ؟
جاد : وانا ما عجبتكش ؟
انا : اويلي ا جاد حشومة سير تا نمشيو لدارنا
جاد : كيفاش حشومة ياك مزوجين
انا : والله تا عيانة ا جاد غا خليني ما راشقاش ليا سمحليا
جاد : صافي حبيية غا كنضحك معاك انا نهبط عند الدراري
انا : اطط نبدل و نهبط معاك
هبطنا دوزنا وقيت تعشينا ومشينا نعسنا الغد فقنا على الصداع و الدار عامرة كلشي كايوجد و الفراش كلشي بالخضر ... اليوم ليلة الحنة فين كيتجمعو عيالات العائلة و الجارات و گاع البنات ... جاو عندي البنات للبيت و بداو يديرو ميكاب
عبير : اووووف كون غا مشينا للصالون عيييت
منى : والله ما كدبتي
ايمان : باز للناس اللي خدامين makeup artists
سلمى : لااا خاص اليوم نبانو طبيعيات باش نهار العرس مللي نمشيو للصالون يقادو لينا ميكاب يطلع لينا السر
انا : هاي هاي هاي كيوت هادشي ا ختي
سلمى : و نتي شفتك باقا صفرة اويلي
انا : حيت مازال انمشي عند الطبيب 🙂
عبير : مالك ياك لاباس ؟
انا : والله ما عرفت كرشي كتضرني بزاف و ظهري مقسوم عليا ما عرفتش مناش
ايمان ؛ من ايمتا هادشي ؟
انا : غا شي سيمانة دابا كنحس بالعيا بزاف والله دكشي لاش البارح طلعت نعس
سلمى : اااه وانا يصحابليا تقلقتي مني
انا : اويلي الحمقة على نتقلق منك علاه شحال عندي منك ؟
منى : ايوا صافي را كانغيرو
عبير : كون كان جاد كون وراك التعناب على حقو
شوية سمعنا الدقان فالباب
انا : وي شكون ؟
جاد : انا ا حبيبة
انا : وي بب دخل
دخل جاد و قال ليا : يالاه نوضي لبسي نمشيو عند الطبيب
انا : واخا ... مشيت انا نلبس و خليت جاد شاد فالبنات
جاد : وا باراكة ا سلمى را وليتي بحال الطعريجة ا ختي اليوم الصديق يهرب
عبير : لا بلعكس جات زوينة
جاد : شكون نتي ا ختي ما عمري شفتك هنا ... ياكما صاحبة منى ؟
عبير : اويلي انا را عبير
جاد : وايلي ؟ وا محااال يعرفك معاد بدوك الألوان اللي فوجهك ا ختي
منى : ههههههههههههه ضحكتيني ا جاد
جاد : ختي منى بقوة ما كاتديري الميكاب ديما جيتي نتي هي نتي ما تبدل فيك والو
