جاد : ( طلعت لبيتي لقيت نهى ناعسة والبالكو محلول مشيت سديتو وغطيتها مزيان ونعست حداها )
صبح الصباح فقنا فطرنا لبسنا حوايجنا وشدينا طريق كازا ساعة دالوقت و وصلنا
سلمى : واو غير من الدخلة كايبان هادشي زوين
الصديق : ياكما نجيو نسكنو حداهم ؟
جدي : باغين تخليونا بوحدنا ؟
سلمى : ههههه لا لا غير كايضحك حنا ما عمرنا نخرجو من ديك الدار غانبقاو لاصقين فيكم تا نطلعو ليكم فراسكم
جاد : انا بعدا الحمد لله غانتهنا منك شوية
خالتي : ههههه باعد من ختك
ماما : ايوا يالاه باسم الله دخلو برجليكم ليمنية باش تدخل عليهم الدار بالصحة والسلامة ان شاء الله
بابا : تبارك الله الدار زوينة
انا : انا عارفة الذوق ديالي زوين 😎
جاد : وانا جيبي زوين
كلشي : هههههههه
انا : يالاه شفتو الدار ؟ يالاه خويو عليا را 20 عام وانا كانشوف فيكم طلعتو ليا فراسي سيرو بحالكم
سلمى : انا جايا لدار خوووويا وزايدون اش هاد الجوع ؟ تا كاس اتاي ما كاينش ؟
انا : بزاف عليك الجيعانة هي نتي
ماما : ها هما بداو فالمشاكل ديال العروسة و خت راجلها
خالتي : صدعتوني فراسي ا دوك شنيولات دوزو تجلسو
انا : انا باغا ناكل ... ماما فيا جوع
لميمة : نوضي ا بنيتي را دارك هادي نتي اللي خاصك تصاوبي لينا ما ناكلو
انا : ههههههه بقيتو ب جوع
جاد : لا لا بصح نوضي صوبي لينا ما ناكلو
بابا : ايلا عولنا عليها غانبقاو بجوع نوضو نوضو جيبو لينا ما ناكلو من الزنقة
كلينا و نضنا قادينا حوايجنا فبلايصهم و قال جدي : يالاه بسلامة تهلاو فراسكم
انا : اويلي ؟ واش غاتمشيو ليوم ؟
سلمى : واش ما غانباتوش ؟
الصديق : لا خاصنا نمشيو را عندنا الخدمة بزاف
ناض جاد عند الصديق وقال : ياك لباس ؟ علاش غاتمشيو دابا ؟
الصديق : لا والو غير ماخاصش الدار تبقا خاوية وخاصني نمشي نقول لكمال راكم جيتو للدار باش يصيفط البوليس اللي يحضيوكم
جاد : صافي اك
انا : ياك لباس مالكم ؟
الصديق : اجي عنقيني اجي
انا : بقا تجي عندي ديما صافي ؟ وجيب سلمى معاك
سلمى : تانا عنقوني 😢
انا : واصافي لاش كاتبكي سكتي را غا ساعة دالطريق وانا معاك
