Unicode
" ကောင်းတယ် အရမ်းကောင်းတယ် မင်းက ယွီအာကို ထိခိုက်စေရုံသာမက လင်သခင်လေးကိုတောင် ဆွဲဆောင်ထားနိုင်တာဘဲ သူက မင်းမောင်လေးရဲ့...." ကျောင်းသခင်မကြီးသည် လင်ရှောင်းချန်က ကျောင်းယွီလင်းအနားရောက်သည့်နှင့်တပြိုင်နက် အံ့အားသင့်ရာမှ နိုးထလာပြီး စိတ်တိုစွာပြောလိုက်သည်။
" တော်လောက်ပြီ!!!! " ချင်းမေသည် သည်းမခံနိုင်တော့သဖြင့် အော်ပစ်လိုက်ရုံသာရှိတော့သည်။ သူမက ကျောင်းယွီလင်းအစစ်မဟုတ်သော်လည်း ဒီကိုယ်ထဲတွင်က သူမ( ကျောင်းယွီလင်း )၏ ခံစားချက်များရှိနေသေးသည်။ ဒီကျောင်းမိသားစုက သူမကို တစ်ခွန်းမှ မမေးမြန်းဘဲ အမြဲစွပ်စွဲနေတာဘဲ။ငါ ဒီကိုယ်ထဲရောက်တာ တစ်ရက်မပြည့်သေးဘူး အနည်းဆုံး ၃ ခါလောက်စွပ်စွဲပြီးနေပြီ။
" မား လင်းအာလည်း ဒီမိသားစုရဲ့ သမီးအရင်းမဟုတ်ဘူးလား ဘာလို့အမြဲတမ်းဘဲ ချန်ယွီဘက်မှာရှိနေရတာလဲ။ တကယ်လို့ မားတို့က လင်းအာ ဘက်မှာ မနေချင်ရင်တောင် တရားမျှတမှုတော့ ရှိသင့်တယ်မလား ။ဘာလို့ ...ဘာလို့ နဲနဲလေးတောင် ယုံကြည်မှုမရှိရတာလဲ " ကျောင်းယွီလင်းသည် သူမကိုယ်သူမ လက်ညိုးထိုးကာ နာကျင်နေသည့်မျက်ဝန်းများဖြင့်ပြန်ပြောသည်။
" ဒီမိသားစုရဲ့ မေတ္တာကိုမရရင်တောင် လင်းအာ လိုချင်တာ ယုံကြည်မှုနဲနဲလေးရယ်ပါ အဲ့ဒါကရဖို့ ဒီလောက်တောင်ခက်တာလား " ကျောင်းယွီလင်းသည် နောက်ဆုံးစကားတခွန်းအားပြောရင်းမျက်ရည်များကျလာသည်။
ချန်းယဲ့ဟွာသည် ကျောင်းလင်းယွီ၏ စကားကြားပြီးနောက် တိတ်ဆိတ်သွားသည်။
" ကိစ္စတစ်ခုကို ယုံကြည်ချင်ရင် သက်သေဆိုတာ လိုအပ်တာဘဲလေ တကယ်လို့ လင်းအာ မှာ သက်သေမရှိရင် ပါးတို့လည်း ဘာမှမတတ်နိုင်ဘူးလေ " ကျောင်းသခင်ကြီးသည် ကျောင်းယွီလင်းအားကြည့်၍ တည်ငြိမ်စွာပြောလိုက်သည်။
ကျောင်းသခင်ကြီး၏ စကားဆုံးသည်နှင့် ယွီလင်းသည် နောက်ဆုံးမျှော်လင့်ချက်ပျက်စီးသွားသည့်အလား ဖြူဖျော့သွားသည်။
ထိုသည်ကိုမြင်သည်နှင့် ကျောင်းချန်ယွီက ဝင်ပြောလိုက်သည်။
YOU ARE READING
TAKING BACK MAIN LEAD'S INFLUENCE
RomanceSystem - host ရယ် ကျေးဇူးပြုပြီး mission လေးကို သေချာလေးလုပ်ပေးပါ ဟုတ်ပြီလား Host - . . . . System - host . . . host ဘာဖြစ်. .ဟမ် .အိပ်နေပြန်ပြီလား System - ( ဘယ်လိုလုပ် လူတစ်ယောက်က အဲ့လောက်တောင် အိပ်နိုင်ရတာလဲ . .ကြီးကြပ်ရေးမှုူးရေ ဒီ host ပြန်အမ...