Unicode
♥" တံခါးဖွင့်ပေးပါ !!! ကိုကို !!! "
အခန်းတံခါးကို အပြင်ဘက်ကနေ လော့ချလိုက်ပြီး Hyuckie ကို အထဲမှာ ပိတ်ထားလိုက်သည် ။ တံခါးကို တဒုန်းဒုန်း ထုရိုက်နေလို့ နာမှာစိုးပေမယ့် မနေ့ကလို ကိစ္စမျိုး ထပ်အဖြစ်မခံနိုင်တော့ပေ ။
စာမေးပွဲရှိနေလို့ ဆိုသည့် အကြောင်းပြချက်နှင့် ဆေးရုံက ဆင်းတော့ သူ့အမေအိမ်မှာ ဆက်နေခွင့်ပြုခဲ့သည် ။ ကလေးမွေးဖို့ ကိစ္စ ဘယ်လိုမှ ညှိနှိုင်းမရသည့်အပြင် တရားဝင်လက်ထပ်ပြီးသားဖြစ်သည့် Hyuckie ကိုတောင် ကျွန်တော်နဲ့ ဘာမှမဆိုင်သလို ခွဲထားကြသည် ။ မနေ့က ကျောင်းပိတ်ရက်မို့ Hyuckie ကို သွားခေါ်တော့ ၊ ကျွန်တော်နဲ့ ပေးမတွေ့ ။
ပြီးမှ Hyuckie ကို ဘာကြောင့် ပေးမတွေ့လဲ သိလိုက်ရ ၏ ။ ကျွန်တော့်ကို အသိမပေးတော့ပဲ ကလေးဖျက်ချဖို့ လုပ်နေကြတယ်တဲ့ ။ Hyuckie အမေကလည်း မိခင်တစ်ယောက်ဖြစ်နေပြီး ကိုယ်ချင်းစာစိတ်မရှိ ။ ကျွန်တော့်သဘောတူညီချက် မယူပဲ စိတ်ထင်ရာလုပ်သည့် Hyuckie ကိုလည်း ကျွန်တော် နားမလည်နိုင်တော့ပေ ။
ဘာမှ မဖွဲ့ဖြိုးသေးတဲ့ ကလေးလေးကို ထပ်ပြီး အထိခိုက်မခံနိုင်လို့ အခုလို ထိန်းသိမ်းမိတာ မှားသလား ။
♥
" ..ထမင်းစားရအောင် !! ပြီးရင် ဆေးသောက်ရမယ် .."
" မစားဘူး !! "
ကျွန်တော့်ကိုကျောပေးပြီး အိပ်နေတာမို့ ဆွဲပွေ့ကာ ထိုင်ခိုင်းလိုက်သည် ။ ငိုထားလို့ ပါးတွေ နီနေပြီး မျက်လုံးတွေ မို့နေ၏ ။
" မစားလို့မရဘူး !! ကလေးကို ထိခိုက်အောင် လုပ် နေတာတွေက မင်းအတွက်လည်း မကောင်းဘူး သိရဲ့လား "
" ဂရုမစိုက်ဘူး မွေးလည်းမမွေးချင်ဘူး "
" Hyuckie !!! ကိုယ့်ကို စိတ်ဆိုးပြေပါတော့ ကလေးမဆန်ပါနဲ့တော့ကွာ "
" လူတစ်ယောက်ကို တိရစ္ဆာန်လို အခန်းထဲ ထည့်ပိတ်ထားတော့ စိတ်ဆိုးပြေသွားမှာ မို့လို့လား "
YOU ARE READING
Melancholy [ Completed ]
FanfictionMarkHyuck 💚 2Chan Unicode + Zawgyi " သိပ်ချစ်လွန်းလို့ လှောင်ပိတ်ထားချင်တာတောင် သူရုန်းထွက်ရင် နာကျင်မှာစိုးလို့ လွှတ်ပေးမိမယ် ထင်တယ် " " သိပ္ခ်စ္လြန္းလို႔ ေလွာင္ပိတ္ထားခ်င္တာေတာင္ သူ႐ုန္းထြက္ရင္ နာက်င္မွာစိုးလို႔ လႊတ္ေပးမိမယ္ ထင္တယ...