POSSESSIVE 2: Iuhence Vergara

CHAPTER 6

CHAPTER 6

HINDI maiiwas ni Iuhence ang tingin sa babaeng mahimbing na natutulog sa isa sa mga upuan ng private jet niya. Nagising ito ilang minuto na ang nakakaraan at kinailangan niyang paamuyin ulit ito ng chloroform para makatulog ulit ito. Baka kapag nalaman nito na nasa eroplano ito patungo sa pribadong isla napagmamay-ari niya ay bigla nalang itong tumalon.

Alam niyang mas gugustuhin ni Mhelanie na tumalon sa eroplano kaysa ang makasama siya sa pribadong isla. Ganoon siya nito ka hindi gusto. Well, at least, that was what he thought.

"Damn, Iuhence. Kapag kinasuhan ka ng babaeng iyan ng kidnapping, huwag na huwag mo akong isasali." Pumalatak si Calyx. "Bakit naman kasi pumayag pa akong sumama sayo e." Puno ng pagsisisi ang boses nito.

"Pare, walang pumilit sayo, remember?" Anang boses ni Ymar na nakasandal sa likod ng upuan at may nakatakip na diyaryo sa mukha. "Sumama ka kasi guilty ka dahil sinabi mo kay tita Othella ang tungkol kay Mhel. The truth was wala ka namang ginawa e."

"Excuse me?" Nilingon ni Calyx si Ymar. "Ako ang sumunod sa babaeng iyon sa kalye. Natakot siya sa akin kaya tumakbo siya—"

"At doon pumasok si Iuhence para dakipin at patulugin si Mhel," sansala ni Ymar sa iba pang sasabihin ni Calyx.

Pinukol ng masamang tingin ni Calyx si Ymar. "E ikaw, ano ba ang nagawa mo?"

Tinanggal ni Ymar ang pagkakatakip ng diyaryo sa mukha nito at walang buhay ang mukha na dumako ang ang tingin nito kay Calyx. "My man, I am the CEO of YS Pharmaceutical. I own the chloroform Iuhence used. Unlike you, may pakinabang ako."

Mas tumalim ang mga mata ni Calyx.

"Hep-hep," Ymar said. "Dont stare at me like that. Malay mo, panain ka na ni kupido tapos kailangan mong kidnapin ang love of your life mo. Kakailanganin mo ang tulong ko."

Umungos si Calyx. "Hindi ako papanain ni kupido kasi hindi naman siya nag-i-exist. At saka hindi ko kailanman hihingin ang tulong mo kung magkaka-love life man ako, which is not going to happen, by the way."

Napailing-iling nalang si Iuhence habang nakikinig sa dalawa na mga accomplice niya sa pag-kidnap kay Mhel. Bakit ba niya kaibigan ang mga ito? Oh, yeah, business partners niya ang dalawa at maituturing din niya matalik na kaibigan. Buti na nga lang talaga at hindi siya naaapektuhan sa kabaliwan ng mga ito.

"Bakit mo ba kinidnap ang babaeng iyan ha, Iuhence?" Anang tanong ni Ymar na pumukaw sa pag-iisip niya.

Binalingan niya ang kaibigan na nakatingin sa kanya na naghihintay sa sagot niya.

"We need to know each other," simpling sagot niya.

Para siyang napugutan ng ulo sa pagkakatingin sa kanya ni Calyx. "So, naturally, dapat kidnapin mo siya?"

Tumango siya. "Oo."

"And how are you gonna achieve that? When she wakes up, she'll hate you, man," ani Ymar.

Ngumiti siya at ibinalik ang tingin sa magandang mukha ng dalaga. "Buburahin ko ang galit na 'yon sa pamamagitan ng halik ko at pag-angkin sa kaniya. And then I will never be a stranger because the next thing she knew, I already own her heart, body, mind and soul. And she will have no choice but to stay with me for as long as I want her to."

"Man, that's gross," Calyx said in disgust.

Bigla siyang natigilan sa sinabi ni Calyx. Iyan din ang sinabi niya noon kay Tyron at Raine.

Nangingiting nailing nalang si Iuhence.