POSSESSIVE 2: Iuhence Vergara

CHAPTER 14

CHAPTER 14

NAPASIMANGOT si Mhelanie ng magising siya at wala na si Iuhence sa tabi niya. Sanay na siyang nagigising na katabi ito kaya naman hindi kaagad maganda ang bungad ng umaga niya.

Nawala ang panunulis ng nguso niya ng makitang pumasok sa kuwarto si Iuhence.

He smiled at her. "Hey, honey." Lumuhod ito sa gilid ng kama saka hinalikan siya sa nuo. "Good morning."

She yawned. "Good morning." Ininat niya ang mga braso at likod. "Bakit ang aga mong magising? Saan ka ba nagpunta, ha?"

"Kinausap ko ang sekretarya ko," sagot nito.

"Ah, okay." Umalis siya sa kama at naglakad patungo sa banyo. Bago siya pumasok doon ay nilingon niya ito. "Bawal ang manyak sa banyo. Naka-lock ang pinto." Malapad ang ngiting sabi niya sa binata.

Napailing-iling ang binata at mahinang tumawa. Siya naman ay tuluyan nang pumasok sa banyo at ini-lock ang pinto.

Pagkatapos niyang maligo, wala na sa silid nila si Iuhence ng makalabas siya sa banyo. Mabilis siyang nagbihis at hinanap ang binata. Natagpuan niya ito sa kusina, nagluluto ng pancake.

"Mukhang gumagaling ka na sa pagluluto ng pancake, ah," wika niya saka nilapitan si Iuhence at hinalikan sa pisngi. "You're improving."

"For you, I'll improve," anito at kinindatan siya.

She giggled. "Aww...That's so sweet of you." Pinanggigilan niya ang pisngi nito. "Thank you, Iuhence."

Gumuhit ang nakakapanghina ng tuhod na ngiti nito saka dumukwang palapit sa kanya at hinalikan ang mga labi niya.

"May surpresa ako sayo," anito ng pakawalan ang mga labi niya.

Namilog ang mata niya sa excitement. "Talaga?" Pumalakpak siya sa sobrang saya. "Ano naman 'yon?"

"Kumain muna ta'yo," sabi nito at pinaupo siya sa silya.

Mabilis na inubos ni Mhel ang pancake na niluto ni Iuhence para sa kaniya. Akmang kukulitin na niya ito sa surpresa nito ng marinig niya ang malakas na tunog, hinuha niya ay Helicopter ang may gawa ng tunog na 'yon.

Kumunot ang nuo niya. "Ano 'yan?"

Humugot ito ng isang malalim na hininga bago siya sinagot. "It's my Company's helicopter. Aalis na tayo rito sa isla. Pupunta na tayo sa lungsod."

Matiim itong tumingin sa kaniya na parang bang binabasa ang reaksiyon niya at laman ng isip niya. Pinanatili naman ni Mhelanie ang emosyon sa mukha niya at itinago ang tunay niyang nararamdaman.

"Babalik na tayo sa totong mundo kung saan nagkakandarapa ang mga babae sayo." Tipid siyang ngumiti. "Sige, ihahanda ko na ang mga gamit ko. After all, you are still my kidnapper and I have no resources to escape from your clutches."

WALANG-BUHAY na nag-impake si Mhel. Pupunta na sila sa lungsod at iiwan ang isla na ito kung saan ipinakita ni Iuhence ang sweet side nito. Natatakot siya na baka kapag nasa lungsod na sila ay hindi na siya pahalagahan ng binata at mawala na ang nakilala niyang Iuhence Vergara sa islang ito.

Umaasa siya na sasabihin nito rito sa isla ang nararamdaman nito para sa kaniya, kung mayroon man. Pero mukhang aasa nalang siya. Mukhang nakalimutan na nga yata nito ang nangyari at mga sinabi nito sa yacht. Ang sakit naman.

Ayaw niyang mawala ang Iuhence Vergara na umangkin sa puso niya. Yes, Iuhence now owned her heart and she was afraid that he might break it it if they were back in Manila. Ngayon palang ay kinakain na ng selos ang puso niya sa isiping nagkalat sa Manila ang magagadang babae na siguradong handang paligayahin ang binata na mas higit pa sa kaya niya.