POSSESSIVE 2: Iuhence Vergara

CHAPTER 16

CHAPTER 16

NANG matapos niyang ma-i-kuwento kay Raine ang lahat ng nangyari mula ng unang pagkikita nila ni Iuhence hanggang sa pagdating nila kanina, tinitigan niyang mabuti ang kaibigan. Inaarok niya ng nasa isip nito. Mukhang dina-digest pa nito ang mga impormasyong sinabi niya.

"So, you're saying na may gusto sayo si Iuhence?"

Umiling siya. "No. I'm hoping and assuming." Napayuko siya. "I can read between the lines, Raine. Alam kong may pinapahiwatig siya. Confirmation nalang ang kailangan ko."

Raine let out a sigh. "Okay, fine. Sana nga ma-confirm na 'yan. Ayokong masaktan ka, Mhel. Babaero 'yang si Iuhence. Baka masaktan ka lang sa kanya."

Tipid siyang ngumiti. "I know that. Sinabi nga niya sa akin na gago siya and I believe him, but he's the sweetest gago that I ever met. And I love him."

Napangiti ang kaibigan. "I never thought that this day would come na maririnig ko ang mga salitang iyon galing sa bibig mo. Mukha ngang masyadong kang in love kay Iuhence." Nanunudyo ang kislap ng mga mata nito. "Alam ba niya?"

"Hindi." Nagbaba siya ng tingin. "Aamin lang ako kapag sigurado na akong mahal din niya ako. Ayokong mapahiya."

"I feel you," ani Raine. "Iyan din ang nasa isip ko nuong mahalin ko si Tyron. Hinding-hindi ako aamin hangga't hindi siya mauuna. Dapat lalaki ang mauna. Sa kadahilanang ayoko ring mapahiya. Baka assuming lang ako."

Tumango-tango siya. "Tama," pagsang-ayon niya.

Nagkatawanan sila at napagdesisyunang lumabas na sa kuwarto.

Nang bumalik sila sa sala, hindi lang si Tyron at Iuhence ang nakita nila. Naroon din si Train Wolkzbin!

"Train!" Tili ni Raine at niyakap ang lalaki. "Kumusta na ang buhay may asawa? Sorry at hindi kami nakadalo sa kasal mo. Alam mo naman na takot sa airplane si Timber." Ang tinutukoy nito ay ang anak nitong lalaki.

"Madam Raine." Ngumiti si Train at niyakap siya nito. "I'm okay."

Tyron growled. "Get your hands off of my wife Wolkzbin! Baka baliin ko 'yan!"

Hindi makapaniwalang binalingan ni Train si Tyron. "Man, kasal na kayong dalawa. Possessive ka pa rin?"

"So?" He glared at Train. "Basta bitawan mo ang asawa ko!"

Raine giggled and went to sit on Tyron's lap. "Aww. Ang asawa ko talaga, napaka-seloso."

Sumimangot si Tyron. "Kiss me para hindi na ako magselos."

Raine obliged. Mhel felt envious of the two. Sana maging masaya rin siya katulad ni Raine, pero mukhang matatagalan pa bago mangyari ang gusto niya.

"Oh. I know you," anang boses ni Train na pumukaw sa pag-iisip niya. Nang balingan niya ito, nakatingin ito sa kanya. "Ikaw iyong babae na nagdala ng flowers para sa kasal namin ni Krisz diba?"

Tumango siya at nginitian ito.

Sinuklian nito ang ngiti niya saka tumayo at akmang yayakapin siya ng marinig niya ang walang emosyong boses ni Iuhence.

"Touch her, Wolkzbin, and your arms will be detached from your body," Iuhence threatened him in a very dangerous voice that even the wildest animal in the forest would be scared.

Napatigil si Train sa akmang pagyakap kay Mhel at nakangising binalingan si Iuhence. "Damn, my man. Hindi ko akalain na darating ang araw na magiging possessive ka sa isang babae. Nagyeyelo na ba ang impyerno?"

Hindi nga siya niyakap ni Train pero gumalaw naman ang kamay nito para tapikin ang balikat niya. Hindi pa dumadampi ang kamay nito sa balikat niya ay nagsalita na naman si Iuhence. "Not even a tap, Wolkzbin." Iuhence growled.