أخر أيام الحب

🌺تنويه جديد🌺

مساء الخير وحشتوني جدا جدا والله
التنويه ده واللي قبله همسحه بأذن الله لما ابتدي اكمل تنزيل الروايه لأني مش عايزه الروايه تبقي عباره الا عن حلقات فقط.. لكن عشان الرسائل الكتير اوي اللي وصلتني وللاسف مش عارفه ارد عليها كلها نزلت التنويه ده..

س1: هتكملي الروايه امته؟

ج: وربنا قلت لما اخلص امتحانات مش امتحانات نص السنه لأ أقصد الأمتحانات الأخيرة عشان في كتير بعتلي وبيقولي الأمتحانات بدأت والمفروض تنزلي بعدها يا جماعه انا قلت لما اخلص دراسه السنه دي مش لما اخلص امتحانات نص السنه..

س2: ممكن تنزلي أن شالله حلقه واحده كل اسبوع؟

ج: وربنا ما حد يعرف بكتب ازاي وياخد وقت ومجهود ازاي مش هقولكم في الكتابه ولا المجهود البدني، المجهود الذهني وان الروايه لما بيكون ليها معاد بتبقي مسيطره عليا جدا مبفكرش في حاجه غيرها وكل شويه اعمل حوار وحبكه ده غير طبعا الوقت اللي هو اصلا مش ملكي بالتالي مش هقدر

س3: باقي رواياتك هتنزليها امته نار الحب والحرب الجزء التاني وعشق تحت الوصايه الجزء التالت؟

ج:  حبايبي انا اكبر عقبه في طريقي دلوقت هو السنه دي ادعولي تخلص وانا مش هيبقي ورايا حاجه غير الروايات يعني بيتي والروايات فقط لا غير وهنكمل الروايات وعندي أفكار روايات كتير غيرهم متقلقوش مش محتاجه غير اني بس اخلص من السنه دي..

وفي مفاجأه اعتقد بعضكم يعرفها وهي اني ودعت حياه العزوبيه خلاص وأتجوزت الأسبوع اللي فات 😂❤️💃
يعني كتبنا الكتاب ولسه الفرح كمان خمس شهور يعني بعد ما أخلص امتحانات اخر السنه برضه..
المهم سمعوني مبروك وزغروطه حلوه 😂💃💃

هتقولولي طب والروايه 😣😣!!!؟
ما المفاجأة التانيه اني بدأت كتابه فيها بس مش بانتظام يعني براحتي ومزاجي طول مانا مش مضغوطه وعندي شويه وقت بكتب فيها شويه وبأذن الله تكون خلصت أو قربت تخلص قبل الفرح وابقي انزلكم كل يوم حلقه وكده كده الروايه هتبقي موجوده مع بسنت يعني لولا قدر الله حصل حاجه هي هتنزلها لا تقلقوا..

س4: طب ممكن تعمليلنا اقتباس لأن يوسف ومريم وحشونا..

ج: انا بالفعل في حلقه كتبتها الشهر اللي فات😂 ممكن اعملكم اقتباس منها لكن معتقدش هيفيدكم اوي لانه هيشوقكم علي الفاضي وانتوا بتصعبوا عليا بالتالي مش بحب حته الاقتباس دي بس لو عايزين قولوا في التعليقات وعنيا ليكم..❤️

وأخيرا وليس اخرا انا بدأت امتحانات نص السنه النهارده ادعولي ربنا يوفقني ويعديها علي خير بجد محتاجه حد يدعيلي 🥺❤️❤️❤️