أخر أيام الحب

(أقتباس+ برومو)

طبعا انا نزلت امبارح وقلت أني مضغوطه والله اليومين دول مش عارفه اكتب زنقه عيد انتو عارفين..
لكن كتبت اقتباس صغير+ البرومو الجميل ده..
وبالنسبه للسؤال اللي اتكرر كتير.. يا جماعه احمد اللي كلم مريم ده عيل صغير يعني قد مريم أو اكبر منها بحاجه بسيطه ملهوش علاقه خالص بأحمد أبن خال يوسف مجرد تشابه اسماء..وأحمد اللي كلمها ده دوره انتهي لأنه مكنش ليه دور أصلا وملوش علاقه بحد يعنني شعللها وخلع..

ثانيا حكايه الأكونت اللي بأسم مريم ده يا جماعه بتحصل كتير بيبقي الخط بتاعك كان بتاع حد قبل كده وكان عامل عليه حساب فيس عادي وصدفه عاديه جدا أنه يطلع باسم مريم... ده بس عشان مريم ماشاء الله محظوظه أوي يعني..

ثالثا مش ده السبب اللي خلي يوسف ومريم يبعدوا عن بعض خمس سنين.. انا قلت لسه القصه فيها احداث وهتبقي أعمق من كده بكتير.. يعني لسه في فلاش باك تاني.. انا قلت انها وقفت بذكرياتها لحد هنا للناس اللي كانت مركزه في كلامي.. 
والاقتباس ده من الحلقه الجديده والفلاش باك التاني كمان...

((الاقتباس))

ايه: تعرفي يا مريم مشكلتك ايه؟
مريم: ايه؟؟
ايه: انك بتحبي يوسف بطريقه غلط أو بمعني تاني مفهمتيش حبه هو ليكي.. يوسف فاهمك لكن انتي مفهمتهوش.. انا من كلامك فهمته شويه.. أو علي الأقل فهمت مشكلتك معاه.. وهي الكدب.. انتي كدابه معاه..
مريم: انا كدابه؟؟
ايه: اه يا مريم كدابه.. يوسف زي ما انتي بتخليه متحكم في كل حاجه في حياتك فرحك حزنك زعلك كل حاجه بتحكيله تفاصيل حياتك لكن بتيجي عند نقط معينه وبتستغبي.. يعني خبيتي عليه انك كلمتي ولاد قبل كده عشان خايفه يبعد.. خبيتي عليه انك اسمهان ونور عشان خايفه يبعد.. كدبتي عليه انك كلمتي حسين عشان خايفه يبعد.. اللي اسمه أحمد ده خبيتي عليه موضوعه مع أنه حاجه تافهه جدا بالنسبه للي حصل معاكم قبل كده وبرضه كدبتي عليه.. انتي يوسف بعده عنك هوس.. هوس انتي عايشه فيه وحاطاه اكتر حاجه خايفه منها ويوسف أصلا مش حاطط ده اوبشن في علاقتكم أساسا.. يوسف مش ناوي يبعد ولا في دماغه يبعد لكن انتي اللي بتوصليه لكده من تصرفاتك معاه وكدبك عليه..
مريم بعياط: انا مش قصدي اخبي عليه يا أيه أنا بحبه وعايزاه جنبي... والله ما قصدي..
ايه: عارفه يا مريم أنه مش قصدك.. وعشان كده بقولك يوسف مش هيبعد عنك..
مريم بنفي شديد: لأ لأ لأ اسكتي ده انتي متعرفيش شتمني وقالي ايه؟..
ايه: كان متعصب واللي متعصب بيقول أي حاجه.. انتي مبتشوفيش هشام بيعمل ايه ولا بيقول ايه؟.. الرجاله كلهم كده يا بنتي..
مريم: يوسف مش زيهم.. انا عارفاه كويس.. حتي لو كان زي ما بتقولي.. هو تعب وزهق مني ومن مشاكلي.. انا مش عايزه اقرفه بيا اكتر من كده.. هو مرتاح من غيري وكويس وانا مش عايزه غير راحته وربنا يسعده..
ايه: يا اختي حلوه!!.. ربنا يسعده.. يعني انتي مثلا هترتاحي لما يحب أو تكون واحده غيرك معاه؟؟ مريم اللي احنا بنحبهم بنحس أنهم ملك لينا احنا ومينفعش يكونو مع غيرنا.. ولا احنا ينفع نحب غيرهم.. ده لما يكون حب حقيقي.. احنا لو متجوزناش عن حب هنعيش حياتنا كلها بنحاول نعدل في عيوبنا ومش هنكون مرتاحين معاه.. الحب بيفرق أوي يا مريم..
مريم: يفرق في ايه؟؟
ايه: هيحبك من غير مكياج ، من غير ما تحاولي تبيني انك حلوه او مرتبه ، حتي لو عيونك دبلانه من التعب وشعرك منكوش هيشوفك احلي حاجه خلقها ربنا ، هيحبك زي مانتي وهيسهر من خوفه عليكي وهيصونك في غيابك وبدل ما يخليكي تغيري هيخلي الناس تغير منك..انتي بس اختاري صح.. اختاري راجل يحبك لأن الرجاله اللي بتحب نادره أوي في الزمن اللي احنا فيه..
مريم افتكرت أول ما يوسف شافها وكل مره بيشوفها وقد ايه كان بيقولها انها حلوه بطبيعتها جدا وحتي لما حاولت تجمل نفسها هو عرف انها عملت كده عشانه بس هو حب طبيعتها اكتر.. كل كلمه ايه قالتها مش بتنطبق غير علي يوسف بس..لكن يوسف خلاص مينفعش ومريم مقتنعه بده..
مريم عينيها دمعت وده عصب ايه: يا بنتي انتي ليه بتحبي العياط ؟
مريم: انا جوايا وجع وصلني لدرجه اني اعيط ومش عارفه سبب العياط ده..
أيه: منك لله يا شيخه هتقتلي الروح الفرفوشه اللي جوايا وتخليني اكتئب..
مريم ضحكت: انتي تكتأبي؟؟؟؟؟؟
ايه: اه ما أكتئب عادي فيها ايه هو احنا عايشين في جزر المالديف؟؟....

وده البرومو هيعجبكم جدا يعني روعه 😍⁦❤️⁩⁦❤️⁩

هنزل لينكه في منصه الرسائل للناس اللي مش بيفتح معاها من هنا...+ بنزل في القناه بتاعتي يا جماعه فيديوهات كتير عن الروايات مش بنزلها هنا.. يعني اللي بتحب تشوف صور وفيديوهات  كتير للأبطال تشترك في القناه أو تبقي تدخل كل فتره تتفرج لأن زي ما قلت مش كل الفيديوهات بنزلها ع الواتباد..

كل سنه وانتو طيبين وبخير يارب ومنوريني بوجودكم معايا ودعمكم ليا⁦❤️⁩⁦❤️⁩

# ارائكم
# إيمووو